Mika 1:6 - MUKANDA WA MYIDI MUKULU

⁶ Maweja-Nangila udi wamba ne: “Bua malu aa, nengandamune Samariya, ashale dikolu, muaba udibu bakuna mionji ya mvinyo. Nembunguluje mabue ende, aye muinshi mua lupongu. Nemmueneshe bitaku biende patoke.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bua malu â nenvuishe Samalea bu mushiki wa mabue mu budimi, bu madimi a kukuna tumuma tua nvinyo. Nembungulushe mabue andi mu tshibanda, nemmueneshe bishimikidi biandi hatoke tô.

Mika 1:6 Referans Kwoze

Yezekiyele 13:14

Nenshimbule tshimana tshinudi balabe lupemba. Nentshiupule tshionsu panshi. Tshitaku tshiatshi netshimueneke. Tshimana netshiupuke tshinuboza. Nanku nenujadike ne: meme ndi Maweja-Nangila.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Muadi 4:1

Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?

2 Bakalenga 19:25

“Wewe, Senakeribe, udi uditambisha. Kadi teleja, nkuvuluija malu. Ku kale, meme ke udi mulongolole malu aa. Ku kalekale, mvua muele meji a tshia kuenza. Mpindiewu ndi nkumbaja bionsu abi. Meme ndi mukupeshe bukole, bua kubutula, ne kushimbula, bimenga bidi ne bimana bikole.

Matayi 24:2

Kadi Yezu kubandamuna ne: — Nudi nukema bionsu ebi! Kadi ndi nnujadikila bulelela ne: ku nzubu ewu kakuakushala dibue diambata pa dikuabu to. Bionsu nebiupuke!

Abakuke 3:13

Kadi udi ufika bua kusungila bantu bebe, ne mukalenga uudi musungule, mujidile. Udi ushipa mukalenga wa tshisamba tshia bena buenzayi, ubutula kashidi bonsu badi bamulonda.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Yirmeya 51:37

Nembutule tshimenga tshia Babilone, netshishale muaba udi nyama ya mibuabua ilala, tshimenga tshidi bantu kabayi mua kuasa, tshidi tshikuatshisha bantu bowa, tshidi bantu batele bazakala.

Yirmeya 51:25

Eyowa, wewe Babilone, ndi nebe ne tshilumbu. Udi bu nyama mubi udi ukeba kubutula bionsu bidi pa buloba. Kadi meme Maweja-Nangila ndi muluishi webe! Nenkukuate mu bianza, nenkuele mu kandondu, nenkoshe ne kapia.

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Yeshaya 25:12

Maweja-Nangila neabumbule bimana, ne nzubu mile ivua bena Mowabe bakoleshe, neabiele panshi mu lupuishi, abilandakaje.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

2 Samuele 17:13

Pikalabu banyemene mu thimenga kampande, bena mvita betu bonsu nebaye ne mionji, netukoke tshimenga atshi bua kutshiela mu musulu udi pabuipi too ne padi mu tshimemga atshi kamuyi mushala nansha lusoka.

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yirmeya 31:5

Nenukune kabidi mionji ya mvinyo pa mikuna ya mu Samariya. Nuenu babidime nenupole tumuma tua mvinyo mu madimi enu.

2 Bakalenga 18:9

Izkiya mumane kulala mu bukalenga bidimu binayi, kabidi Osheya, muana wa Ela, mulale mu bukalenga bua Izrayele bidimu muanda mutekete, Shalmanazere, mukalenga wa bena Ashure, kunyungulula tshimenga tshia Samariya.

2 Bakalenga 18:10

Bidimu bisatu bimane kupita, mmumue ne: Izkiya mulale mu bukalenga bidimu bisambombu, Osheya mulale mu bukalenga bidimu tshitema, kukuatabu tshimenga.

Amosa 6:8

Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”