Matayi 9:3 - MUKANDA WA MYIDI MUKULU

³ Ke balongeshi bakuabu ba mikenji kuambilangana ne: — Muntu ewu udi upenda Mvidi Mukulu!

Mukanda wa Nzambi Dihungila Dikulukulu ne Dihungila Dihia-dihia 2003

³ Bafundi bakuabo bakamba munda munda ne, Muntu eu udi uhenda Nzambi.

Matayi 9:3 Referans Kwoze

Matayi 26:65

Ke mutuangaji munene kudipanda bilamba, wamba ne: — Mmupende Mvidi Mukulu! Katutshiena tukengela bajadiki ba bualu ebu kabidi to! Nudi bumvue amu mpindiewu mudiye mupende Mvidi Mukulu.

Luke 5:21

Ke balongeshi ba mikenji ne Baparushe kuela meji ne: — Ewu muntu udi usendeka Mvidi Mukulu nenku nnganyi? Udi mua kujimija bubi nnganyi? Se amu Mvidi Mukulu nkayende!

Lewitiki 24:16

Muntu yonsu udi usendeka dina dia Maweja-Nangila, bamushipe. Bena Izrayele bonsu bamuase mabue, bamushipe, nansha yeye muenyi, nansha yeye muena Izrayele, bualu mmuse-ndeke Mvidi Mukulu.

Marke 14:64

Nudi badiumvuile mudiye upenda Mvidi Mukulu. Nudi nuela meji kaayi? Bonsu kuambabu ne: bamufundile tshibawu tshia lufu.

Marke 7:21

Bualu munda mua muntu, mu muoyi wende, mudi mupatuka meji mabi, buendenda, buivi, dishipangana,

Matayi 7:29

Bualu Yezu kavua ulongesha bu balongeshi bakuabu ba mikenji, uvua ulongesha ne bumfumu.

Dibadika 15:30

“Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Marke 3:28

“Ndi nnujadikila ne: nebajimijile bantu mibi yabu yonsu ne bionsu bidibu bapendangana.

Marke 3:29

Kadi muntu udi upenda Mueyelu wa Tshijila, kabena bamujimijila bubi buende tshiendelele. Bubi buende nebushale kashidi.”