Matayi 9:12 - MUKANDA WA MYIDI MUKULU

¹² Yezu umvua nanku, kubandamuna ne: — Bantu badi ne bukole bua mubidi, kabena bakengela munganga to. Anu badi basama ke badi bamukengela.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakunvua Yesu dî diabo, yeye wakamba ne, Badi ne bukole kabena ne muondahi bualu, anu badi ne mabedi.

Matayi 9:12 Referans Kwoze

Luke 5:31

Yezu kubandamuna ne: — Bantu badi ne bukole bua mubidi, kabena bakengela munganga to. Anu badi basama, ke badi bamukengela.

Luke 9:11

Kadi bantu kumanya bualu, kulonda Yezu. Ke Yezu kubakidila, kubalongesha malu a Bukalenga bua Mvidi Mukulu, kujikija masama a bavua nawu.

Marke 2:17

Yezu umvua nanku, kubambilaye ne: — Bantu badi ne bukole bua mubidi kabena bakengela munganga nansha, amu badi basama ke badi bamukengela. Tshiena mulue kubikila bantu bakane. Kadi ndi mulue kubikila benji ba malu mabi.

Yirmeya 33:6

Kadi, ndi ngondapa tshimenga etshi, mudibu bondapa muntu ne mputa. Nentshiondape, ntshipesha bukole bua mubidi. Nemfile bupole ne ditalala kudi bantu batshi.

Yirmeya 17:14

Maweja-Nangila nempete bukole, anu paudi wewe ujikija disama dianyi. Nempande, anu paudi wewe umpandisha. Bualu undi mua kutumbisha pa bualu udi anu wewe nkayebe.

Misambu 147:3

Udi usamba bantu badi ne dibungama mu muoyi, ubondapa padibu batapika.

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Yirmeya 30:17

Bonsu mbakutangile bu “tshintu tshia patupu.” Badi bamba ne: “Mukuna ewu wa Siyone, bonsu mbalengulule.” Kadi meme nengondape, nengumishe mputa yebe. Ke mundi ngamba meme Maweja-Nangila.

Luke 8:43

Muaba awu muvua mukaji uvua ne disama dia mashi a muyeya kukadi bidimi dikumi ne bibidi. Uvua mufute baminganga bionsu bi-vuaye nabi. Kadi muntu nansha umue kavua mujikije disama diende.

Misambu 41:4

Padiye mu bulalu, usama bikole, Maweja-Nangila udi umukuba, umupingajila bukole.

Misambu 6:2

Maweja-Nangila, udi mumfikile munda, kadi kunnyoki. Udi muntekele tshiji, kadi lekela kunkengesha.

Yirmeya 8:22

Mu Ngilaade kamuena buanga, nansha munganga anyi? Mputa wa bantu banyi bena Izrayele, kena mua kuma bua tshinyi?

Kolose 4:14

Luke, munganga ne mulunda wetu, ne Demase kabidi, badi banuela muoyi.

Matayi 18:11

Bualu Muana wa muntu mmuvue kusungidila bavua bajimine.]