Matayi 6:2 - MUKANDA WA MYIDI MUKULU

² — Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Mukanda wa Nzambi Dihungila Dikulukulu ne Dihungila Dihia-dihia 2003

² Hawaha bantu bintu bia luse, kuedi mpungi ku mpala kuebe bu mutu bena lubombo benza mu nsunagoga ne mu misesu, bua bantu babatumbishe. Bulelela, ndi nuambila ne, Bobo bakumana kuangata difutu diabo.

Matayi 6:2 Referans Kwoze

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Yowanane 5:41

Meme tshiena nkeba bua bantu bantumbishe.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

Luke 20:46

— Nudimukile balongeshi ba mikenji. Badi basanka bua kuendakana bavuale mintumpu mile. Badi bananga bua bahele mioyi ya kanemu miaba idi bantu basangile. Badi basue kusomba mu nkuasa ya kumpala mu nzubu ya ditendelela, ne kupeta miaba ya lumu mu bibilu.

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

Misambu 37:21

Muntu mubi udi usomba tshintu, kayi utshipingaja. Kadi muntu muakane udi ne luse, wambuluisha bakuabu.

Efeze 4:28

Nanku, muntu uvua wiba, alekele kuiba, akuate mudimu muimpe, bua kudidisha, ne bua amone mua kuambuluisha kabidi udi mu dikenga.

Ngalate 2:10

Bavua batulomba amu, bua tuvuluke bakengi ba mu Tshisumbu tshiabu bavua mu Yerushalayime. Ke tshimvua muenze muanyi muonsu.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

1 Timote 6:18

Ubambile bua benze malu amu mimpe. Buabu buneme buikale mu midimu ya luse. Bikale bantu ba kalolu, badi bamanye mua kuabanyangana ne bakuabu bidibu nabi.

Rome 12:8

Udi ne dipa dia kukolesha bakuabu ku muoyi, abakoleshe. Udi ne dipa dia kupa bakuabu bilenga bidiye nabi, abipeshangane ne kalolu konsu. Udi ulombola, alombole ne muoyi muimpe. Udi wambuluisha bakengi, abambuluishe ne musangelu.

Bienzedi 24:17

Ndi mumbuke mu Yerushalayime bidimu bivule. Ndi mupinganemu amu mpindiewu, bua kupesha bena tshisamba tshietu makuta a diambuluisha, kabidi bua meme kulambula Mvidi Mukulu milambu.

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Bienzedi 9:36

Mu Yope muvua mukaji muena ditaba, dina diende Tabita (ke “Dorkase” mu buena ngreke, mmomumue ne “ngulungu.”) Uvua wenza malu mempe a bungi, wambuluisha kabidi bapele.

Yowanane 13:29

Bu muvua Yudase ulama tshibutshilu, bakuabu bavua bela meji ne: Yezu udi umuambila bua kuyaye kusumba bintu bivuabu bakengela bua kuenza nabi tshibilu, nansha utua umuambila bua kuambuluishaye bapele.)

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Luke 6:42

mMunyi muudi mua kuambila muanenu ne: ‘Muanetu, semena, nkumushe kasosa mu disu,’ kuyi umona mutshi munene udi mu diebe? Wewe muena mpala ibidi, bangabanga umushe mutshi munene udi mu disu diebe. Nanku neumone bimpe bua kumusha kasosa kadi mu disu dia muanenu.”

Marke 12:39

Badi basungula nkuasa ya lumu mu nzubu ya kutendelela ya bena Yuda ne mu miaba ya kudia ya bibilu.

Nsumuinu 20:6

Bantu ba bungi badi badisua, badiamba mudibu ne muoyi muimpe. Kadi bidi bikole menemene mua kupeta muntu wa nanku.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Filemone 1:7

Muanetu Filemone, mvua musanke bikole, mukole muoyi, pamvua mumvue muudi unanga, ukankamija kabidi bena tshisamba tshia Mvidi Mukulu.

1 Tesalonike 2:6

Katuvua bakebe bua nuenu, nansha bua bantu bakuabu batutumbishe.

Bienzedi 11:29

Bena ditaba kumvuangana bua muntu yonsu afile tshiende tshidiye natshi, bua kuambuluisha bena ditaba ba mu Yudeya.

Luke 13:15

Yezu kumuandamuna ne: — Nudi bena mpala ibidi! Dituku dia Dikisha, nuenu bonsu kanutu nusulula nyama wa ngombe nansha mpunde bua kumufila ku mayi anyi?

Luke 12:56

Kadi nudi bena mpala ibidi! Nudi mua kujingulula bidi bienzeka pa buloba ne mulu. Kadi munudi kanuyi nujingulula bidi bienzeka lelu mbishi?

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Luke 11:43

“Nuenu Baparushe, nudi bena diakabi! Nudi basue kusomba mu nkuasa ya kumpala mu nzubu ya ditendelela. Nudi banange kabidi bua bantu banuele mioyi ya kanemu mu bisalu.

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

Luke 6:24

“Kadi nuenu babanji, nudi bena diakabi, bualu nukadi bamane kupeta diakalenga dienu!

Marke 7:6

Yezu kubandamuna ne: — Nuenu bena mpala ibidi, Yeshaya uvua mudianze kuambilamu bualu buenu, pavuaye mufunde ne: “Mvidi Mukulu udi wamba ne: Bantu aba badi bantumbisha amu ku mishiku, kadi muoyi wabu kawena kundi.

Matayi 24:51

Neanyoke muena mudimu assu bikole. Neamuteke muaba udibu banyoke bena mpala ibidi. Muaba awu neadile muadi, usumakaja menu.

Matayi 23:6

Mu bibilu bia didia, mbasue kusomba miaba ya bantu baneme. Mu nzubu ya ditendelela ya bena Yuda, badi bajinga kusomba miaba mimpe kumpala kua bantu bakuabu.

Matayi 22:18

Kadi Yezu uvua mujingulule meji abu mabi. Kubambilaye ne: — Nuenu bena mpala ibidi, nudi nunteya bua tshinyi?

Matayi 16:3

Mu dinda, padi kulu kufikuluke, nudi nuamba kabidi ne: “Lelu mvula nealoke.” Nanku nudi bamanye mua kujingulula bidi bienzeka padi kulu kuandamuke. Kadi munudi kanuyi mua kujingulula bidi bienzeka matuku aa mbishi?

Matayi 15:7

Nuenu bena mpala ibidi, Yeshaya kavua mushime, pavuaye unuamba ne:

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

1 Samuele 15:30

Shawule kumuambila ne: — Ndi mumane kuenza bibi. Kadi ndi nkutendakena ne: unnemekeku kumpala kua bakulu, ne kua bena Izrayele bakuabu bonsu. Tupingane nebe bua meme kuya kutendelela Maweja-Nangila Mvidi Mukulu webe.

Matayi 7:5

Muena mpala ibidi we, bangabanga umusha mutshi munene mu disu diebe, nenku neumone bimpe bua kumusha kasosa kadi mu disu dia muanenu.

Matayi 5:18

Ndi nnujadikila bulelela ne: too ne muajimina diulu ne buloba, kabena mua kukupula dileta nansha dikese, kalu nansha kamue ka mu mikenji. Bionsu bidi mikenji yamba, nebikumbane.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Matayi 6:3

Kadi wewe, paudi wambuluisha bapele, enza mushindu udibu kabayi mua kumanya nansha kudi mulunda webe menemene.

Matayi 23:5

Badi benza midimu yabu yonsu bua bantu babamone. mBafunde miaku ya tshijila pa mikaba minene, idibu basuika pa mpala nansha ku maboku. Binkutu biabu bidi ne nzemba minene kabidi.

1 Korente 13:3

Nansha meme muabanyangane bintu bianyi bionsu, nansha meme mufile mubidi wanyi bua bangoshe, meme tshiyi ne dinanga, kabiena bingenzela tshintu.