Matayi 26:5 - MUKANDA WA MYIDI MUKULU

⁵ Bavua bamba ne: — Katuena mua kumukuata matuku a tshibilu nansha. Bualu bantu badi mua kujula tshimvundu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi bakamba ne, Kabenji nunku mu matuku a disanka dia kuhita kua Yehowa, bua diyoyo kadijuki munkatshi mua bantu.

Matayi 26:5 Referans Kwoze

Matayi 27:24

Pilate umona ne: kumuena mushindu wa kutungunuka, bualu mutoyi wa bantu uvua anu wenda uvulangana, kuangataye mayi, kowaye bianza, bantu batangile, wamba ne: — Tshilumbu tshia lufu lua muntu ewu katshinkuatshi! Buenu bualu!

Matayi 21:26

Tuetu bambe ne: “Bantu ke bavua bantumine,” tudi ne bua kutshina bantu. Bitalu bonsu badi anu bitabe ne: Yowanane mmuambi!

Matayi 14:5

Erode uvua musue kushipesha Yowanane. Kadi uvua utshina bena Yuda, bualu bena Yuda bonsu batua banemeka Yowanane bu muambi wa Mvidi Mukulu.

Marke 14:27

Yezu kuambila balongi bende ne: Nenuye bonsu, nenunshiye. Bualu mbafunde mu Mukanda wa tshijila ne: “Nenshipe mulami wa mikoku, mikoku itangalake.”

Marke 14:12

Dituku dia kumpala dia tshibilu tshia mampa kaayi mela buanga, divuabu balambula bana ba mikoku bua didia dia tshibilu tshia Dipita dia Maweja-Nangila, balongi ba Yezu kumukonka ne: — Udi musue tukulongoluele didia dia tshibilu tshia Dipita dia Maweja-Nangila penyi?

Marke 14:2

Bavua bambilangana ne: — Katuena mua kumukuatshila munkatshi mua tshibilu to. Bualu bantu badi mua kujula mutoyi.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.

Luke 22:7

Munkatshi mua tshibilu tshia mampa kaayi mela buanga, dituku kukumbanadi di-vuabu ne bua kushipa bana ba mikoku bua didia dia tshibilu tshia Dipita dia Maweja-Nangila.

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Luke 20:6

Kadi tuetu bandamune ne: “Bantu mbamutume,” bantu bonsu nebatuase mabue bua kutushipa. Bualu mbajadike ne: Yowanane mmuambi wa Mvidi Mukulu.

Bienzedi 19:29

Tshimyundu kutampakana mu tshimenga tshijima. Bantu kukuata Ngayuse ne Aristarke, bena Masedoniya babidi bavua mu luendu ne Polu. Kubapulumunabu, kuya nabu mu lupangu lua manaya, muvua bantu bonsu bafuilakana bua kubuela.

Bienzedi 21:38

Nanku kuena muena Ejipitu ewu, uvua mutombueshe bantu matuku makese aa, muye mu tshipela ne bashipianganyi binunu binayi anyi?