Matayi 2:4 - MUKANDA WA MYIDI MUKULU

⁴ Mukalenga Erode kubikidisha bamfumu bonsu ba batuangaji, ne balongeshi ba mikenji ba bena Izrayele. Kubakonkaye muaba uvuabu ne bua kulela Kristu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wakasangisha bakuidi banene ba Nzambi bonso ne bafundi ba bantu, wakabakonka ne, Nebalele Kilisto kudi kunyi?

Matayi 2:4 Referans Kwoze

Bienzedi 23:9

Ke bantu kuela mbila mikole. Bamue balongeshi ba mikenji ba luseke lua Baparushe kujuka, babenga tshilumbu, bamba ne: — Katuena bamona ne: muntu ewu mmupile to! Misangu mikuabu mutumibue wa Mvidi Mukulu, nansha mukishi, mmumuambile malu!

Bienzedi 6:12

Ke pavuabu basonsola bakulu, ne balongeshi ba mikenji, ne bantu bakuabu. Kuyabu kudi Stefane, kumukuata, kuya nende ku Tshipangu tshikulu.

Matayi 21:23

Yezu kubuela mu nzubu wa Mvidi Mukulu. Pavuaye mutuadije kulongesha, bamfumu ba batuangaji, ne bakulu ba bena Yuda, kusemena kudiye, bamukonka ne: — Malu audi wenza aa, udi muenze ne bumfumu kaayi? Udi mukupeshe bumfumu ebu nnganyi?

Matayi 7:29

Bualu Yezu kavua ulongesha bu balongeshi bakuabu ba mikenji, uvua ulongesha ne bumfumu.

Bienzedi 4:5

Butuku bumane kutshia, bamfumu ba bena Yuda, bakulu, ne balongeshi ba mikenji, kusangila mu Yerushalayime.

Yowanane 18:3

Yudase kuya mu lupangu alu ne tshisumbu tshia basolayi, kabidi ne tshia balami ba mu nzubu wa Mvidi Mukulu bavua bamfumu ba batuangaji ne Baparushe batume. Bantu abu bavua ne bia myita, bikale kabidi ne bimunyi bia kapia.

Yowanane 8:3

Balongeshi ba mikenji ne Baparushe kumutuadila mukaji uvuabu bajikidile wenda buendenda. Kumutekabu kumpala kua bantu bonsu.

Yowanane 7:32

Baparushe kumvua bantu bavule banungana bua Yezu. Ke bamfumu ba batuangaji ne Baparushe kutuma basolayi bua kumukuata.

Yowanane 3:10

Yezu kumuandamuna ne: — Wewe udi mulongeshi wa bena Izrayele, udi mumanyike bikole, muudi kuyi mumanye malu aa mbishi?

Luke 23:10

Bamfumu ba batuangaji ne balongeshi ba mikenji batua muaba awu. Batua basonguela Yezu bikole.

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Yirmeya 8:8

Nudi nudiamba ne: “Tudi bena meji, bualu tuetu ke badi ne mikenji ya Maweja-Nangila.” Kadi nudi nudisua nanku bua tshinyi? Kanuena bamanye ne: bantu badi batentula mikenji mbena dishima, badi bandamuna miaku idi momu anyi?

Marke 8:31

Pashishe Yezu kubanga dilongesha balongi bende, wamba ne: — Muana wa muntu neakenge bikole. Bakulu, batuangaji banene ne balongeshi bamikenji, nebamubenge. Nebamushipe, kunyima kua matuku asatu neabiike ku lufu.

Matayi 27:1

Patshiatshia, bamfumu bonsu ba batuangaji, ne bakulu ba bena Yuda, kupunga diyi dia kushipesha Yezu.

Matayi 26:47

Patshivua Yezu wakula nanku, Yudase, umue wa ku dikumi ne babidi, kufika ne bantu bavule, bikale ne miele, kabidi ne mitshi. Ke bamfumu ba batuangaji ne bakulu ba bena Yuda bavua babatuma.

Matayi 26:3

Diba adi bamfumu ba batuangaji ne bakulu ba bena Yuda kudisangisha mu lubanza lua mutuangaji munene, dina diende nKayifa.

Matayi 21:15

Bamfumu ba batuangaji, ne balongeshi ba mikenji, kufika munda pa kumona malu a dikema avua Yezu wenza, ne bana bavua bela mbila mu nzubu wa Mvidi Mukulu ne: “Lumu tuikale kudi Muana wa Davide!”

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Nehemya 12:7

Salu, Amoke, Ilkiya ne Yedaya. Mu tshikondu tshia Yeshuwa, bonsu aba bavua bamfumu ba meku a batuangaji nansha a bena Levi.

Ezela 10:5

Ezra kujuka, kutuma diyi bua bamfumu ba batuangaji ba bena Levi, ne bamfumu bonsu ba bena Izrayele baditshipe, bua kukumbaja bionsu bivua Shekanya muambe. Bonsu kuditshipa.

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

2 Kulondolola 36:14

Kabidi balombodi ba batuangaji ba bena Izrayele bonsu, bavua anu batombokela Mvidi Mukulu. Bavua balonda bibidilu bibi bia bantu ba bisamba bikuabu bia kutendelela mvidie. Bavua banyanga nzubu wa tshijila, uvua Maweja-Nangila mudijidile mu Yerushalayime.

2 Kulondolola 34:15

Ilkiya kuambila Shafane mufundi ne: “Ndi muangule mukanda wa mikenji mu nzubu wa Maweja-Nangila.” Pashishe, Ilkiya kupesha mufundi mukanda awu.

2 Kulondolola 34:13

bavua bambuluisha bena mudimu bavua bambula majitu, ne bena mudimu bakuabu bonsu. Bena Levi bavua bakuate kabidi midimu mikuabu ya bafundi, ya batangidi ba malu, ya balami ba biibi.

Matayi 2:3

Mukalenga Erode ne bena Yerushalayime bonsu bumvue nanku, kupampakanabu bikole.

Matayi 2:5

Kumuandamunabu ne: — Mu musoku wa Betleyeme mu ditunga dia Yudeya. Bualu muambi uvua mufunde ne: