Matayi 2:2 - MUKANDA WA MYIDI MUKULU

² Kukonkabu ne: — Muana udibu balele bua kuikalaye mukalenga wa bena Yuda udi penyi? Tudi bamone mutotu wende luseke ludi diba dipatukila. Ke patudi bafike bua kumukukuila.

Mukanda wa Nzambi Dihungila Dikulukulu ne Dihungila Dihia-dihia 2003

² Udi muledibue Mukelenge wa Bayuda udi kudi kunyi? Tuakutangila mutoto wandi ku esete, tuakuluila kumukukuila.

Matayi 2:2 Referans Kwoze

Dibadika 24:17

“Ndi mmona malu adi ne bua kuenzeka. Kadi, kaena enzeka mpindiewu to. Ndi njadika ne: kudi bualu, kadi kabuena pabuipi to: Mutotu neupatuke mu ndelanganyi ya Yakobe. Mukalenga nealedibue mu tshisamba tshia bena Izrayele. Neatuute bena Mowabe dikombu ku mbanga. Bantu badi bendakanyi mu ditunga neababoze mutu.

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.

Didimanyisha 22:16

“Meme Yezu, mvua mutume mutumibue wanyi bua kunujadikila bionsu ebi mu Bisumbu bienu bia bena ditaba. Ndi wa ku ndelanganyi ya Davide. Ndi mutotu wa nkesha.”

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Yeshaya 60:3

Nenku bukua matunga nebuende butangila ku butoke buwakenkesha. Dinkenke dia butoke buebe nedikoke bakalenga kuudi.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Ebrewu 1:6

Kadi tshikondu tshivua Mvidi Mukulu musue kutuma Muanende, muanabute pa buloba, kuambaye ne: “Batumibue bonsu ba Mvidi Mukulu bamukukuile.”

Luke 23:38

Kulu kua mutu wa Yezu, ku mutshi mutshiamakane awu, bavua bafunde ne: “Ke mukalenga wa bena Yuda.”

Luke 23:3

Ke Pilate kukonka Yezu ne: — Udi mukalenga wa bena Yuda anyi? Yezu kumuandamuna ne: — Muudi muambe mmomu.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Luke 19:38

Bavua bamba ne: “Mukalenga udi ufika mu dina dia Maweja-Nangila, Mvidi Mukulu amuele lupemba! Bupole budi mu diulu, butumbi budi kudi Mvidi Mukulu!”

Luke 2:11

butuku ebu mu tshimenga tshia Davide, mbalelamu Musungidi wenu. Yeye ke Kristu Mfumu.

Yirmeya 30:9

Kadi nebankuatshile mudimu meme Maweja-Nangila Mvidi Mukulu wabu. Nenku nempingaje mu bukalenga bua Davide muana wa ku ndelanganyi yende. Nebamuenzele mudimu, bualu mmukalenga wabu.

Misambu 45:11

Muananyi wa bakaji, teleja, uvuluke bimpe mundi ngamba: Vulamina ditunga dienu ne bana benu.

Yowanane 9:38

Muntu awu kuamba ne: — Mfumu, ndi ngitaba. Kutuaye binu panshi kumpala kua Yezu.

Yowanane 19:19

Pilate kufundisha kabidi miaku pa kabaya, bua bakapopele ku mutu kua mutshi mutshiamakane. Bavua bafunde pa kabaya aku ne: “Yezu wa mu Nazarete, mukalenga wa bena Yuda.”

Yowanane 12:13

Kuangatabu malala a mabue, kuyabu kumuakidila, bela mbila ne: — Tutumbishayi Mvidi Mukulu! Mvidi Mukulu ele muntu udi ulua mu dina dia Maweja-Nangila lupemba! Mvidi Mukulu ele mukalenga wa Izrayele lupemba!

Matayi 27:11

Yezu kuimana kumpala kua mulombodi wa ditunga adi. Awu kumuebeja ne: — Udi mukalenga wa bena Yuda anyi? Yezu kuandamuna ne: — Anu muudi muambe amu.

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Matayi 21:5

“Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Matayi 2:3

Mukalenga Erode ne bena Yerushalayime bonsu bumvue nanku, kupampakanabu bikole.