Matayi 2:11 - MUKANDA WA MYIDI MUKULU

¹¹ Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bakabuela mu nsubu, bakamona muana ne baba wandi Malia; bakatua binu hanshi, bakamukukuila; hakabululabo bibutshilu biabo, bakamusawila bintu, ngolo ne mananashi ne mula.

Matayi 2:11 Referans Kwoze

Yeshaya 60:6

Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Luke 2:16

Kuambulujabu lukasa bua kuya. Kusanganabu Mariya ne Yozefe, ne muana muladika mu tshidilu tshia nyama.

Matayi 2:2

Kukonkabu ne: — Muana udibu balele bua kuikalaye mukalenga wa bena Yuda udi penyi? Tudi bamone mutotu wende luseke ludi diba dipatukila. Ke patudi bafike bua kumukukuila.

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Misambu 72:15

Mukalenga akole bobobu! Bantu bamulambule mpawungi wa mu Saba, batendelela, bamulombele diba dionsu, basengelela Mvidi Mukulu buatshia buila bua amuele lupemba.

1 Bakalenga 10:2

Mukalenga mukaji awu, kufika mu Yerushalayime ne musumba munene wa bantu bavuaye nabu. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu. Kumuelaye makonka onsu avuaye mumane kulongolola.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Matayi 14:33

Nanku balongi bavua mu buatu kutuila Yezu binu panshi, bamba ne: — Udi Muana wa Mvidi Mukulu bulelela!

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.

Luke 2:38

Kufikaye diba adi, wela Mvidi Mukulu tuasakidila. Uvua uyukidilangana, pa malu adi atangila muana, ne bantu bonsu bavua bindile dituku divua Mvidi Mukulu mua kusungila Yerushalayime.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.

Dibadika 7:86

Dikopu dimue dia tshiamu tshia mpawungi divua dia bujitu bua grame 100. Nanku, makopu onsu dikumi ne abidi avua ne bujitu bua grame 1.200. Avua muwule ne manananshi tente.

Lewitiki 6:15

“Nanku muntu wa ku ndelanganyi ya Arone, udibu bajidila bua ikale mutuangaji munene, neikale ulambula mulambu ewu anu mushindu ewu. Bualu mmulambu udibu boshila Maweja-Nangila onsu kashidi, ushile.

Ekesode 30:34

Maweja-Nangila kuambila kabidi Moshe ne: — Angata mitshi ya dipembu dikole: mutshi wa budimbu, bizubu bia mutshi wa budimbu, mutshi wa ndundu ne mutshi wa kamonya. Bintu abi ubiangate anu bungi bua momumue.

Genese 43:11

Yakobe kuambila bana bende ne: — Padibi nanku, angatayi bintu bia mushinga mukole bia mu ditunga dietu: kamonya, buitshi, ndundu, manananshi, ne bimuma bia amande. Nubiele mu bibombi bienu bua kutuadila muena Ejipitu awu.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Misambu 45:8

Udi munange buakane, mubenge bubi. Ke padi Mvidi Mukulu, Mvidi Mukulu webe, mukujidile, mukuele manyi a tshijila pa mutu, mukusungule amu wewe, mubenge bena mulongu nebe.

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

1 Bakalenga 10:10

Pashishe mukalenga mukaji wa Saba, kupesha mukalenga Shelomu tshiamu tshia mpawungi kilo binunu bisatu ne nkama itanu. Kumupeshaye kabidi manananshi a bungi, ne mabue a mushinga mukole. Biangatshile ku dituku adi, kabena banji kufika ne manananshi bungi ebu mu ditunga dia bena Izrayele to.

Ekesode 30:23

— Angata manananshi a mupuya mukole: a mire kilo itanu, a sinamome kilo ibidi ne tshitupa, a kanele kilo ibidi ne tshitupa ne

Musambu wa Solomo 3:6

Nganyi udi ufuma nenku mu tshipela, bu divuba dia muinshi, divuba didi dinunka mupuya wa kamonya, dinunka manananshi a mipuya mishilangane, afuma ku matunga a bende.

Matayi 1:18

Bavua balela Yezu Kristu mushindu ewu. Mamuende Mariya uvua mubangila kudi Yozefe. Kadi kayi muanji kuya kudi bayende, kudimonaye muikale ne difu ku bukole bua Mueyelu wa Tshijila.

Matayi 2:10

Bena meji bamone mutotu wenza nanku, kusankabu bikole bipite.

Matayi 12:46

Yezu utshivua wakula ne bantu, ke mamuende ne bana babu ba balume kufika. Bavua bimanyine pambelu, balomba mua kuyukila nende.

Yowanane 19:39

Nikodemu, muntu uvua muye kudi Yezu musangu umue butuku, kufika kabidi ne manananshi a mire ne a alowe, bisambakaja, bia kilo bu makumi asatu.