Matayi 12:4 - MUKANDA WA MYIDI MUKULU

⁴ Uvua mubuele mu nzubu wa Mvidi Mukulu. Yeye ne bantu be nde kudia mampa avuabu balambule Mvidi Mukulu. Kabavua ne dianyisha dia kudia mampa awu to. Mikenji yetu idi yamba ne: mampa awu, badi mua kuadia anu kudi batuangaji nkayabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua yeye wakabuela mu nsubu wa mbi, wakadia bidia bilesha biakadi tshijila kudiye ne kudi bakuabo bakadi nʼandi, anu bakuidi ba Nzambi bakadi babidia.

Matayi 12:4 Referans Kwoze

Ekesode 25:30

Mampa a tshijila anudi nundambula, ashale anu pa mesa apu kashidi.

Lewitiki 8:31

Moshe kuambila Arone ne bana bende ba balume ne: — Nulambile munyinyi wa tshimpanga tshibidi atshi mu mushiku wa ntenta wa kusambakena. Nuudile nuenu nkayenu anu muaba awu, pamue ne mampa a tshijila. Ke mumvua munuambile diyi dia Maweja-Nangila ne: bintu ebi nebabidie amu kudi Arone ne bana bende ba balume.

1 Samuele 21:4

Kadi, mpindiewu, udiku ne tshintu tshia kudia anyi? Umpesheku mampa atanu, nansha tshiakudia tshikuabu tshiudi natshi.

1 Samuele 21:6

Davide kuandamuna ne: — Bulelela, misangu yonsu patudi mu luendu lua mushindu ewu, badi anu batukandika bua kubuelela bakaji mu nzubu. Kadi pandi nya mu mvita, bia mvita bidibu nabi kudi bantu batudi nabu, bidi anu bijidila. Nansha luendu elu kaluyi lua tshijila, kadi lelu, luendu elu ludi anu lua tshijila, bualu bia kuluangana nabi mvita mbia tshijila.

Matayi 12:3

Yezu kubandamuna ne: — Kanuena babale tshivua Davide muenze dituku dikuabu, pavua nzala mibasume, yeye ne bantu bende, anyi?

Matayi 12:5

Kanuena babale kabidi mu mikenji ya Moshe mudi batuangaji mu nzubu wa Mvidi Mukulu bakuata mudimu, nansha dituku mene dia Dikisha. Nanku kabena balame mikenji ya dituku dia Dikisha to. Kadi kabena ne tshilumbu nansha.

Marke 2:26

Uvua mubuele mu nzubu wa Mvidi Mukulu, kudia mampa avuabu balambule Mvidi Mukulu. Abiyatare ke uvua mutuangaji munene tshikondu atshi. Mikenji yetu mmianyishe amu batuangaji nkayabu bua kudia mampa aa. Kadi Davide uvua muangate, muapeshe bantu bende kabidi.

Luke 6:4

Davide kubuela mu nzubu wa Mvidi Mukulu, kuangata mampa avuabu balambule Mvidi Mukulu, kuadia, kuapesha kabidi bantu bende. Kadi mikenji yetu idi yamba ne: mampa awu, badi mua kuadia anu kudi batuangaji nkayabu.

Ebrewu 9:2

Bavua base ntenta. Ntenta awu uvua wa kumpala, uvuabu babikila ne: mmuaba wa tshijila. Munda muende muvua tshitekelu tshia miendu, mesa avua ne mampa avuabu balambula Mvidi Mukulu.