Matayi 10:6 - MUKANDA WA MYIDI MUKULU

⁶ Nuye nangananga kudi mikoku mijimine ya mu tshisamba tshia bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁶ kadi nuye kudi mikoko idi mijimine ya nsubu wa Isalele.

Matayi 10:6 Referans Kwoze

Yirmeya 50:6

Bantu banyi bavua bu tshisumbu tshia mikoku mipambuke. Balami bayi ke bavua bayipambuishe. Ke bavua bayilekelela, itambakana eku ne eku pa mikuna, kayiyi ivuluka kabidi lupangu luayi.

1 Petro 2:25

Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Yezekiyele 34:6

Eyowa, mikoku yanyi mmilalakane mu mikuna minene ne mikese, pashishe mmitangalake miaba yonsu pa buloba bujima, kakuyi muntu udi nayi bualu, uya kuyikeba.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Yezekiyele 34:8

meme Maweja-Nangila udi ne muoyi ndi nnuambila ne: bidi bintonda pandi mmona mikoku yanyi mu bianza bia bivi. Bu mudiyi kayiyi ne bayilami, ikadi tshiakudia tshia nyama ya ditu. Bualu balami kabena baditatshisha bua mikoku yanyi to. Pa mutu pa kuyikeba bimpe, badi badivuluka amu bobu nkayabu.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Yezekiyele 34:16

Nenkebe mukoku uvua mujimine, nempingaje mu tshikumbi uvua mupambuke, nensuike buanga pa mputa wa uvua mutapike, nemfululule uvua usama. Kadi nembambishe udi ne mafuta mapite bungi, nansha udi ne bukole bua bungi, bua kauyi kutatshisha mikoku mikuabu. Nendame mikoku yanyi anu bimpe.”

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yezekiyele 34:4

Kadi kanuena bakankamike mikoku idi kayiyi ne bukole, kanuena bondape idi isama, kanuena bele buanga pa mputa ya mikoku idi mitapike. Kanuena bapingaje idi mipambuke munkatshi mua mikuabu, kanuena bakebe idi mijimine, kadi nudi bayikengeshe bikole ne tshikisu.

Matayi 18:11

Bualu Muana wa muntu mmuvue kusungidila bavua bajimine.]