Matayi 10:4 - MUKANDA WA MYIDI MUKULU

⁴ Simone, uvua mu tshisumbu tshia baluidi ba ditunga, ne Yudase Iskariyote, uvua mupangile Yezu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Simona, Muena Kananayo, ne Yudasa Isakaliote, wakamutungila tshitungu.

Matayi 10:4 Referans Kwoze

Matayi 26:14

Diba adi umue wa ku balongi dikumi ne babidi, dina diende Yudase Iskariyote, kuyaye kudi bamfumu ba batuangaji.

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

Yowanane 6:71

Uvua Yezu wamba awu ke Yudase, muana wa Simone muena mu Iskariyote. Bualu nansha muvua Yudase umue wa ku balongi dikumi ne babidi, uvua ukeba kutungila Yezu tshitungu.

Marke 14:43

Diakamue patshivua Yezu wakula, ke Yudase, umue wa ku balongi dikumi ne ba bidi kufikaye pamue ne bantu bavule, bikale ne miele ya nwita ne mitshi. Bavua babatume kudi bamfumu ba batuangaji, balongeshi ba mikenji ne bakulu.

Matayi 26:47

Patshivua Yezu wakula nanku, Yudase, umue wa ku dikumi ne babidi, kufika ne bantu bavule, bikale ne miele, kabidi ne mitshi. Ke bamfumu ba batuangaji ne bakulu ba bena Yuda bavua babatuma.

Luke 22:47

Patshivua Yezu wakula, bantu ba bungi kufika. Yudase, umue wa ku balongi bende ke uvua ubaludika. Kuyaye kudi Yezu bua kumutua mishiku.

Luke 22:3

Ke diabolu kubuela munda mua Yudase Iskariyote, umue wa ku balongi dikumi ne babidi.

Marke 14:10

Pashishe Yudase Iskariyote, umue wa ku balongi dikumi ne babidi, kuyaye kudi bamfumu ba batuangaji bua afile Yezu mu bianza biabu.

Matayi 27:3

Yudase, uvua mupangile Yezu, umona ne: tubafundile Yezu tshibawu tshia lufu, kunyingalalaye. Kuyaye kupingajila bamfumu ba batuangaji ne bakulu ba bena Yuda, nkanu makumi asatu ya tshiamu tshitoke ayi.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Matayi 26:2

— Nudi bamanye ne: tshibilu tshia Dipita dia Maweja-Nangila netshikaleku, papita matuku abidi. Nebafile Muana wa muntu bua bamupopele pa mutshi mutshiamakane.

Matayi 26:15

Kubakonkaye ne: — Nenumpeshe tshinyi pandi mfila Yezu kunudi? Kubalabu nkanu ya tshiamu tshitoke tshia mushinga mukole makumi asatu, kumupeshabu.

Yowanane 6:64

Kadi bamue ba munkatshi muenu kabena bitaba nansha. (Bualu Yezu uvua mudianjile kumanya ku tshibangidilu bavua kabayi bitaba. Uvua mumanye kabidi muntu uvua ne bua kumuyila mu tshitungu.)