Marke 8:6 - MUKANDA WA MYIDI MUKULU

⁶ Yezu kuambila bantu bua kusombabu panshi. Pashishe kuangataye mampa muanda mutekete, kuelaye Mvidi Mukulu tuasakidila, kuatshibula, kuapeshaye balongi bende bua kuabanyina bantu. Balongi kuenza nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakambila tshisumbu tshia bantu ne, Shikamai hanshi; wakamema mitanda muanda mutekete, wakatendelela Nzambi, wakatshibula, wakaifila mu bianza bia bayidi bualu bua kuitekabo ku mpala kua bantu; bakateka ku mpala kua bantu.

Marke 8:6 Referans Kwoze

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Rome 14:6

Udi mumone ne: dituku kampanda ndinene dipite dikuabu, udi wenza nanku bua kunemeka Mfumu. Udi udia bionsu, udi ubidia bua kunemeka Mfumu, bualu udi wela Mvidi Mukulu tuasakidila padiye udia. Udi kayi udia bionsu, udi wenza nanku bua kunemeka Mfumu. Yeye kabidi udi wela Mvidi Mukulu tuasakidila.

Yowanane 6:23

Kadi matu makuabu afumina ku tshimenga tshia Tiberiyade, avua mafike pepi ne muaba uvuabu badile mampa, pavua Mfumu mumane kuela Mvidi Mukulu tuasakidila.

Yowanane 2:5

Mamuende wa Yezu kuambila bena mudimu ne: — Nuenze muonsu muanuambilaye.

Luke 24:30

Kusombaye nabu ku mesa, kuangata diampa, wela Mvidi Mukulu tuasakidila. Pashishe kudikosololaye, kubabanyinadi.

Luke 12:37

Bena mudimu aba badi ne diakalenga, padi mfumu ubasangana batabale. Ndi nnujadikila bulelela ne: Mfumu neavuale tshilamba tshia mudimu. Neabasombeshe ku mesa, bua kubabanyina biakudia ku muntu ku muntu.

Matayi 26:26

Pavuabu badia, Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, ubambila ne: — Angatayi, nudie, etshi mmubidi wanyi.

1 Samuele 9:13

Nanku nenumupete anu panudi nubuela mu tshimenga, kayi muanji kubanda muaba wa tshijila bua kudia biakudia bia mulambu. Muntu nansha umue kena mua kudianza kudi a, mumonyi wa malu kayi muanji kufika. Yeye ke udi ne bua kuela milambu lupemba. Pashishe bantu bavuabu babikila nebadie. Buelayi mu tshimenga lukasa, nenumusangane anu mpindiewu.

Marke 8:5

Yezu kubakonka ne: — Nudi ne mampa bungi bishi? Bobu kuandamuna ne: — Adi muanda mutekete.

Marke 8:7

Bavua kabidi ne tushipa tukuabu tukese. Yezu kuela Mvidi Mukulu tuasakidila bua tushipa atu, kuambilaye balongi bua kutuabanyinabu bantu kabidi.

Marke 8:20

Yezu kubakonka kabidi ne: — Pamvua mutshibule mampa muanda mutekete bua bantu binunu binayi, nuvua bumbule bisaka biuwule tente bungi bishi? Bobu kuandamuna ne: — Bisaka muanda mutekete.