Marke 8:11 - MUKANDA WA MYIDI MUKULU

¹¹ Baparushe kufika, kutuadijabu kuelangana mpata ne Yezu bua kumuteta. Kumulombabu bua aleje tshishima tshidi tshijadika ne: bumfumu buende mbufume kudi Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bafalese bakalua, bakabanga kumukonka malu, bamuteta munda ne, Utuleshe tshimanyinu tshia mu diulu.

Marke 8:11 Referans Kwoze

1 Korente 10:9

Katuena mua kuteta Mfumu, muvua bamue ba kudibu benze. Ke nyoka kubasuma, bobu kufua.

Matayi 12:38

Diba adi bamue balongeshi ba mikenji ne bamue Baparushe kuamba Yezu ne: — Mulongeshi, tudi basue ne: wenze tshishima, tutshimone.

Malaki 3:15

Mpindiewu tudi tujadika ne: bena dikamakama ke bena diakalenga; bena buenzavi ke badi balubuluka. Nansha bobu bakeba Mvidi Mukulu lonji, badi amu bapanduka!’ ”

Dielulula 6:16

Kanutetshi Maweja-Nangila Mvidi Mukulu wenu, bu munuvua bamuenzele ku Masa.

Yowanane 4:48

Yezu kumuamba ne: — Nuenu, kanuena ne mushindu wa kuitaba panudi kanuyi numona bishima ne malu a kukema.

Luke 11:16

Bantu bakuabu bavua basue kuteta Yezu. Kumulombabu bua enze tshishima tshidi mua kujadika mudi bumfumu buende bufume kudi Mvidi Mukulu.

Ekesode 17:7

Bantu kuinyika muaba awu dina ne: Massa (mmumue ne: Diteta) ne Meriba (mmumue ne: Matandu), bualu bena Izrayele bavua batandisha Moshe. Kabidi bavua bateta Maweja-Nangila, badikonka ne: “Maweja-Nangila udi munkatshi muetu anyi kenamu?”

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

Yowanane 7:48

Kudi mfumu wa kutudi nansha umue, nansha muntu wa ku Baparushe uvua mumuitabe anyi?

Yowanane 6:30

Kumuambabu ne: — Kadi bualu bua dikema kaayi buudi mua kutuleja bua tukuitabe? Biudi mua kuenza mbinganyi?

Luke 10:25

Ke mulongeshi wa mikenji kufika kudi Yezu, kumuela lukonku bua kumuteya, wamba ne: — Mulongeshi, bua kupeta muoyi wa kashidi, ngenze tshinyi?

Marke 12:15

Kadi Yezu uvua mumanye ne: mbasokoke meji abu malelela. Kubandamunaye ne: — Nudi nunteta bua tshinyi? Ndejayi lukanu lunudi nalu, ndumone.

Marke 2:16

Balongeshi ba mikenji bavua batua ku tshia Baparushe, kumona muvua Yezu udia pamue ne bantu bonsu abu. Kukonkabu balongi bende ne: — Bua tshinyi udi udia pamue ne balambuishi ba bitadi ne benji ba malu mabi?

Matayi 22:23

Dituku adi mene, Basaduke bakuabu kufika kudi Yezu. (Ke bantu badi bamba ne: bafue kabena babika). Kukonkabu Yezu ne:

Matayi 22:18

Kadi Yezu uvua mujingulule meji abu mabi. Kubambilaye ne: — Nuenu bena mpala ibidi, nudi nunteya bua tshinyi?

Matayi 22:15

Diba adi Baparushe kubuela mu tshipangu, kushindika mua kukuata Yezu mu buteyi ku miaku yende.

Matayi 21:23

Yezu kubuela mu nzubu wa Mvidi Mukulu. Pavuaye mutuadije kulongesha, bamfumu ba batuangaji, ne bakulu ba bena Yuda, kusemena kudiye, bamukonka ne: — Malu audi wenza aa, udi muenze ne bumfumu kaayi? Udi mukupeshe bumfumu ebu nnganyi?

Matayi 19:3

Baparushe bakuabu kusemena kuvua Yezu bua kumuteta. Kumukonkabu ne: — Bilondeshile mikenji yetu, mulume udi mua kuipata mukajende pa bualu buonsu anyi?

Ekesode 17:2

Kutandishabu Moshe, bambe ne: — Tupeshayi mayi a kunua! Moshe kubakonka ne: — Nudi nuntandisha bua tshinyi? Nudi nuteta Maweja-Nangila bualu kaayi?

Yowanane 8:6

Bavua bamba nanku bua kumuteta, bua kumonabu mua kumusonguela. Kadi Yezu kuzonzama, kubanga kufunda ne munu panshi.

Marke 9:16

Yezu kukonka balongi bende ne: — Nudi nuelangana nabu mpata pa tshinyi?