Marke 4:12 - MUKANDA WA MYIDI MUKULU

¹² bua ne: “Bajooja bimpe kabayi bamona tshintu, bateleja bilenga, kabayi bajingulula bualu, kadi bafuane mua kupingana kudi Mvidi Mukulu, Mvidi Mukulu kuvua kubafuila luse!”

Mukanda wa Nzambi Dihungila Dikulukulu ne Dihungila Dihia-dihia 2003

¹² kumona nebamone, kadi kabena bamanye; kunvua nebunvue, kadi kabena bajingulula; nunku kabakudimunyi mitshima yabo bua mibi yabo ijimishibue.

Marke 4:12 Referans Kwoze

Yeshaya 44:18

Bantu aba badi mu mitu mitupu. Kabena bajingulula tshidibu benza to. Badi ne mesu mabuikila. Kabena basue kumona bimpe. Lungenyi luabu kaluena lukeba bulelela.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Dielulula 29:4

Maweja-Nangila uvua munulombole mu tshipela bidimu makumi anayi, bilamba bienu, nansha bisabata bienu, kabiyi bisunsuke to.

Luke 8:10

Yezu kubandamuna ne: — Nuenu bavua banumvuije malu masokome a Bukalenga bua Mvidi Mukulu. Kadi bantu bakuabu badi babambilawu mu nsumuinu bua “Batangile, kabayi bamona tshintu, bateleje, kabayi bumvua bualu.”

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Ebrewu 6:6

Kadi nansha biobi nanku, badi bapingana mu nsombelu mubi. Kabena mua kukudimuna nsombelu wabu musangu muibidi. Bualu badi bapopela Muana wa Mvidi Mukulu tshiakabidi pa mutshi mutshiamakane, banyishe bua bamupende patoke.

Yezekiyele 12:2

— Yezekiyele, udi musombe munkatshi mua bantomboji! Badi ne mesu, kadi kabena basue kumona. Badi ne matshi, kadi kabena basue kumvua, bualu badi bantu ba tshitunu.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Yeshaya 43:8

Nufike ne bantu aba ku tshilumbu. Bualu badi ne mesu, kabayi bamona tshintu, badi ne matshi, kabayi bumvue bualu.

Yirmeya 36:3

Misangu mikuabu bena Yuda badi mua kumvua mundi musue kubatumina makenga. Nanku nebadilengeje. Nemmone mua kubafuila luse bua bilema biabu ne mibi yabu.

Marke 8:18

Nudi ne mesu, kanuena numona anyi? Nudi ne matshi kanuena numvua anyi? Kanuena bavuluke anyi?