Marke 13:6 - MUKANDA WA MYIDI MUKULU

⁶ Bantu ba bungi nebalue bangata dina dianyi, badiamba ne: “Memendi Meshiya!” Nebashime bantu ba bungi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ba bungi nebalue mu dina dianyi, bamba ne, Meme nyeye mene; nebahambuishe bantu ba bungi.

Marke 13:6 Referans Kwoze

Marke 13:22

Bualu ba Meshiya ba dishima ne bambi ba dishima nebafike, nebenze bimanyinu ne bishima bua kupeta mushindu wa kushima bantu badi Mvidi Mukulu mumane kusungula.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Yowanane 5:43

Ndi mutumine kudi Tatu wanyi, kadi nuenu kanuena basue kungakidila. Kadi padi muntu mukuabu udiluila kunudi mu dina diende yeye nkayende, nudi numuakidila!

Matayi 24:11

Bambi ba dishima ba bungi nebamueneke. Nebadinge bantu bavule.

Matayi 24:5

Bualu bantu bavule nebafike, bangata dina dianyi, banuambila ne: “Meme ndi Kristu!” Nebashime bantu ba bungi.

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

Marke 13:5

Yezu kubanga kubambila ne: — Nuadimukayi, muntu kanushimi.

Marke 13:7

Panumvua mutoyi wa bantu bakula, kanupampakanyi nansha. Bidi bimpe bua bia nanku bienzeke, kadi ki nshikidilu wa panu nansha.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.