Marke 13:10 - MUKANDA WA MYIDI MUKULU

¹⁰ Bidi bimpe bangabanga banji kulongesha bantu bonsu Lumu lua Disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nebambile bisamba bionso lumu luimpe diambedi.

Marke 13:10 Referans Kwoze

Matayi 24:14

Lumu lua Disanka, nebalumanyishe mu buloba bujima, bua kujadikila bisamba bionsu ne: Mvidi Mukulu udi unubikila ku Bukalenga buende. Diba adi, nshikidilu wa buloba neafike.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Didimanyisha 14:6

Pashishe meme kumona mutumibue mukuabu ubuuka mulu menemene. Uvua ne bua kumanyisha bantu bonsu ba pa buloba, ba mu bisamba bionsu, ba mu meku onsu, ba miakulu yonsu, ne ba mu matunga onsu, Lumu lua Disanka ludi lushala kashidi.

Kolose 1:6

Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

Rome 10:18

Nanku ndi nkonka ne: Kabena bumvue Lumu alu anyi? Eyowa, mbalumvue! Mukanda wa tshijila udi wamba ne: “Diyi diabu divua diumvuike pa buloba bujima, miaku yabu mmifike too ne ku ntengu ya buloba.”

Marke 16:15

Pashishe kubambilaye ne: — Nuye mu buloba bujima, nulongeshe bantu bonsu Lumu lua Disanka.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

Rome 1:8

Bangabanga ndi ngela Mvidi Mukulu tuasakidila, mu dina dia Yezu Kristu, bualu buenu bonsu. Bualu mu buloba bujima badi bayukila bua ditaba dienu.

Matayi 12:41

Dituku didi Mvidi Mukulu ukosa nsambu, bena Ninive nebabike bua kufunda bena lelu ku tshilumbu. Bualu bena Ninive bavua badilengeja pavuabu bumvua dilongesha dia Yona. Kadi apa padi muntu udi mupite Yona.