Malaki 3:2 - MUKANDA WA MYIDI MUKULU

² Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.

Mukanda wa Nzambi Dihungila Dikulukulu ne Dihungila Dihia-dihia 2003

² Kadi nganyi wamanya mua kushala holâ mu dituku dia kulua kuandi? Nganyi washindama hamuenekeye? Bualu bua yeye udi bu kahia ka mukunjishi wa biamu, ne bu nsabanga wa musukuidi wa bilulu.

Malaki 3:2 Referans Kwoze

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Luke 3:17

Udi ne lubenji mu bianza biende, bua kupepula bisote, kushiya ntete. Nealame ntete mu diyeba. Kadi neoshe bisote mu kapia kadi kakayi kajima.

Luke 3:9

mBamane kulongolola kasuyi, bua bakosele naku mitshi ku miji. Mutshi onsu udi kauyi ukuama bimuma bilenga, nebaukose, bawele mu kapia.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

Luke 2:34

Shimeyone kubela lupemba, kuambila Mariya, mamuende wa Yezu ne: — Mvidi Mukulu udi musungule muana ewu bua kushindisha ne kujula bantu ba bungi mu Izrayele. Yeye neatumanyishe mudi Mvidi Mukulu. Kadi bantu nebamujudile milandu.

Yirmeya 2:22

Izrayele, nansha wewe muowe mayi ne nsabanga, nansha wewe mudilabe nsabanga wa bungi, bubi buebe kabuena bujimina to. Budi amu bumueneka pambidi pebe pandi nkutangila. Meme Maweja-Nangila Mvidi Mukulu, ndi njadika nanku.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Matayi 25:10

Nenku kuyayi bua kusumba mafuta. Kadi diba adi musedianganyi kufika. Mishikankunde isua mimane kudilongolola, kubuela nende mu nzubu wa dibaka. Kukangabu tshiibi tshia kumbelu.

Marke 9:3

Bilamba biende kukenka, kutoka bikole mushindu udi muntu wa pa buloba kayi mua kubitokesha.

Yezekiyele 22:14

Nenuikale ne bukitu bukumbane, kabidi ne bukole bua kuluangana nanyi, pandi mfika bua kununyoka anyi? Bualu meme Maweja-Nangila nengenze amu tshindi ngamba.

Didimanyisha 19:8

Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Luke 7:23

Muena diakalenga ngudi ungitaba, kayi unwila.

1 Samuele 6:20

Pashishe bantu abu kuamba ne: — Muntu nansha umue kena mua kuimana kumpala kua Maweja-Nangila Mvidi Mukulu ewu wa tshijila. Kadi mmuaba kaayi utudi mua kuya kushiya mushete wende wa ndondu, mutantshi mule ne ditunga dietu?

Misambu 76:7

Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Misambu 130:3

Maweja-Nangila, wewe mutangile bilema bietu, udi mua kupanda nnganyi?

Nsumuinu 25:4

Padibu bumusha bikanganya ku tshiamu tshitoke tshia mushinga mukole, nsenda udi upeta tshiamu tshimpe tshia kuenza natshi tshintu tshimpe tshitambe.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Genese 19:28

Utangila ditunga dijima dia Sodome ne Ngomore, kumonaye muinshi ubanda mulu bu wa tshikutu tshia kapia.

Yobe 28:1

Bantu mbamanye muaba udibu bumbula tshiamu tshitoke tshia mushinga mukole, miaba idibu basukula tshiamu tshia mpawungi.