Luke 9:26 - MUKANDA WA MYIDI MUKULU

²⁶ Pikala muntu umfua meme bundu, ubenga kuitaba patoke miaku yanyi, Muana wa muntu neamufue kabidi bundu, paluaye mu butumbi buende, ne mu butumbi bua Tatu, ne bua batumibue bende ba tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muntu yonso udi unfua meme ne mei anyi bundu, Muana wa muntu neamufue yeye bundu, halueye ne butumbi buandi ne bua Tatu ne bua banjelo ba tshijila.

Luke 9:26 Referans Kwoze

2 Timote 2:12

Bituikala bumvue makenga ne lutuulu, netudie nende bumfumu; Bituamuvila, Yeye kabidi neatuvile;

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

Marke 8:38

Pikala muntu ufua bundu bualu buanyi ne bua miaku yanyi munkatshi mua bena lelu, badi babenga Mvidi Mukulu, benza malu mabi, nenku Muana wa muntu kabidi neafue bundu bualu buende pafikaye mu butumbi bua Tatuende pamue ne batumibue ba tshijila.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Yowanane 12:43

Bavua basue nangananga bua bantu babanyishe, pa mutu pa kukeba bua Mvidi Mukulu abanyishe.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Yuda 1:14

Enoke, muntu wa muanda mutekete wa ku ndelanganyi ya Adame, ukavua muambe kale mu dina dia Mvidi Mukulu bualu buabu ne: “Maweja-Nangila neafike ne batumibue bende ba tshijila binunu makumi ne makumi,

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Matayi 26:64

Ke Yezu kumuandamuna ne: — Muudi muambe amu mmomu. Kadi ndi nnujadikila ne: kutuadija ku mpindiewu nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi upueka mu mavuba a mu diulu.

Yeshaya 53:3

Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Ebrewu 13:13

Nenku tuyayi kudiye ku mpenga kua mitanda, batupepeje muvuabu bamupepeje yeye.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

2 Korente 12:10

Ke pandi nsanka bualu bua Kristu mu butekete buanyi, nansha diba mene didibu batupenda, bantatshisha, bankengesha, bankuatshisha bowa. Nanku pandi ne butekete, ke pandi ne bukole.

Danyele 7:10

Musulu wa kapia kupatuka, kupueka kumpala kuende. Bantu bitotu, makumi a bitotu, kuimana kumpala kuende, bua kumuenzela mudimu. Pashishe bena tshilumbuluilu kusomba bua kulumbuluisha. Kubululabu mikanda.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

1 Timote 5:21

Ndi nkulomba, nkusengelela kumpala kua Mvidi Mukulu, kua Yezu Kristu, ne kua batumibue bende ba tshijila ne: ulame mikenji eyi, kuyi ne kansungasunga mu biudi wenza, kuyi wengeleka muntu, kuyi umukengesha patupu.