Luke 9:22 - MUKANDA WA MYIDI MUKULU

²² Kubambilaye kabidi ne: — Muana wa muntu neakenge bikole. Bakulu, batuangaji banene, ne balongeshi ba mikenji, nebamubenge, bamushipe. Kadi dituku disatu neabike ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

²² wakabambila ne, Budi Muana wa muntu nʼabu mbua kukengeshibua makenga a bungi, ne bua kuhidibua kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubishibua hahita matuku asatu.

Luke 9:22 Referans Kwoze

Luke 24:7

Uvua munuambile ne: “Badi ne bua kufila Muana wa muntu kudi benji ba malu mabi, bua bamupopele ku mutshi mutshiamakane. Kadi neabiike ku lufu dituku disatu.”

Luke 9:44

— Nuvuluke bimpe tshindi nnuambila mpindiewu ne: nebafile Muana wa muntu mu bianza bia bantu.

1 Petro 1:11

Bavua bakeba kumanya mushindu ne diba bivua bionsu, bivua Mueyelu mubambile, mua kuenzeka. Bualu Mueyelu, uvua ukuata mudimu munda muabu, uvua mudianze kubamanyisha makenga a Kristu, ne lumu luvuaye ne bua kupeta pashishe.

Marke 9:31

Bualu uvua ulongesha balongi bende. Uvua ubambila ne: — Nebafile Muana wa muntu mu bianza bia bantu, bobu nebamushipe. Kunyima kua matuku asatu, neabike ku lufu.

Marke 8:31

Pashishe Yezu kubanga dilongesha balongi bende, wamba ne: — Muana wa muntu neakenge bikole. Bakulu, batuangaji banene ne balongeshi bamikenji, nebamubenge. Nebamushipe, kunyima kua matuku asatu neabiike ku lufu.

Matayi 17:12

Kadi ndi nnujadikila ne: Eliya ukadi mumane kufika. Bantu kabatua bamujingulula, kadi batua bamuenzela muvuabu basue. Ke muakengeshabu kabidi Muana wa muntu.

1 Korente 15:4

Mbamujike. Kadi mmubike ku lufu dituku disatu, muvua Mikanda ya tshijila mimane kuamba.

Luke 24:26

Kristu kavua ne bua kudianza kukenga nanku, bua kubuela mu butumbi buende anyi?

Matayi 17:22

Dituku dikuabu balongi kusangila bonsu pamue mu Ngalileya. Yezu kubambila ne: — Bantu nebakuatshishe Muana wa muntu.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Luke 17:25

Kadi Muana wa muntu udi ne bua kudianza kukenga bikole. Bantu ba mu tshikondu etshi nebamubenge.

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.