Luke 8:18 - MUKANDA WA MYIDI MUKULU

¹⁸ Nuikale ne ntema, nuteleje bimpe! Bualu udi ne tshintu, neapete bipite. Kadi udi kayi natshi, nebamunyenge bikese bidiye wela meji ne: ndi nabi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Dimukai munudi nunvua; bua udi ne bintu nebamuhe binga, kadi udi kai ne tshintu nebamunyenge tshidiye wela meshi ne, Ndi nʼatshi.

Luke 8:18 Referans Kwoze

Matayi 13:12

Bualu muntu udi ne tshintu, neapete tshikuabu. Nanku neikale nabi bivule. Kadi udi kayi natshi, nebamunyenge tshikese tshidiye natshi.

Luke 19:26

Mukalenga kuandamuna ne: “Ndi nnujadikila ne: muntu yonsu udi ne tshintu, nebamupeshe bipite. Kadi udi kayi ne tshintu, nebamunyenge ne tshikese tshidiye natshi.

Matayi 25:29

Bualu muntu yonsu udi ne tshintu, nebamupeshe bikuabu, bua biende bivulangane bipite. Kadi udi kayi ne tshintu, nebamunyenge ne tshikese tshidiye natshi.

Yowanane 15:2

Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Ebrewu 2:1

Ke patudi ne bua kuangata ne mushinga malu malelela atudi bumvue, bua katujiminyi.

1 Korente 14:37

Padi muntu wela meji ne: ndi muambi, nansha ne: ndi mupete dipa kudi Mueyelu, amanye ne: bindi munufundile ebi mmukenji wa kudi Mfumu.

1 Korente 8:2

Muntu udi wela meji ne: ndi mumanye, kena muanji kumanya mudiye ne bua kumanya.

1 Korente 3:18

Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.

Rome 12:3

Mu dina dia dipa didi Mvidi Mukulu mumpeshe ku luse luende, ndi nnuambila bonsu ne: kanuditembi bu bapite bakuabu nansha. Ikalayi ne lungenyi lua kalolu. Yonsu wa kunudi adiangate ne mushinga, bilondeshile mudiye muitabe Mvidi Mukulu.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

Bienzedi 10:33

Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.

Luke 9:44

— Nuvuluke bimpe tshindi nnuambila mpindiewu ne: nebafile Muana wa muntu mu bianza bia bantu.

Filipe 3:4

Kadi meme kabidi mvua mua kuditemba ku bivua bantu bangenzela. Pikala muntu musue kuditemba ku bia nanku, ndi mua kuditemba mumupite yeye.

Marke 13:14

— (Muntu udi ubala bualu ebu ajingulule tshidibu basue kumvuija:) “Tshinyangu tshipite bubi.” Nenumone tshinyangu tshia dibutuka tshishindamena muaba uditshi katshiyi ne bua kuikala. Nenku bantu bikale mu Yudeya nebanyemene ku mikuna.

Nsumuinu 14:12

Bumue njila udi muntu umona bu mululame, ke udi umufila ku lufu.