Luke 7:27 - MUKANDA WA MYIDI MUKULU

²⁷ Bualu Yowanane ke muntu udi mukanda wa Mvidi Mukulu ujadikila ne: “Meme Mvidi Mukulu ndi ntuma muntu wanyi kumpala kuebe, bua akulongoluele njila.”

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Eu nyeye wakafundabo ne, Monai, ndi ntuma mukenshi wanyi ku mpala kuebe, Yeye nealongolole nshila webe ku mpala kuebe.

Luke 7:27 Referans Kwoze

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Luke 1:76

Kadi wewe, muananyi, nebakuinyike ne: mmuambi wa Mvidi Mukulu Muena kulu. Bualu neudianjile kumpala kua Mfumu, bua kumulongoluela njila,

Marke 1:2

Mu mukanda wa muambi Yeshaya mbafunde mudi Mvidi Mukulu wamba ne: “Ndi ntuma mutumibue wanyi kumpala kuebe, bua kukunzuluila njila.

Yowanane 1:23

Yowanane kuandamuna ne: — Ndi “Diyi dia muntu udi wela lubila mu tshipela ne: Longololayi njila wa Maweja-Nangila bimpe!” (Ke bivua muambi Yeshaya muambe.)

Matayi 11:10

Yowanane ke udibu bamba mu Mukanda wa tshijila ne: “Meme Mvidi Mukulu, ndi ntuma muntu wanyi kumpala kuebe, bua akulongoluele njila.”

Yeshaya 40:3

Ndi mumvue diyi diamba ne: “Pandilayi Maweja-Nangila njila mu tshipela. Lulamijila Mvidi Mukulu njila mu buloba ebu buatuke.

Luke 7:26

Nenku tshinuvua baye kumona ntshinyi? mMuambi anyi? Eyowa, ndi nnuambila ne: mmupite kabidi ne muambi.

Luke 7:28

Ndi nnujadikila kabidi ne: kakuenamuntu nansha umue, udi bamamu balele, mupite Yowanane. Kadi udi mushadile ku bonsu mu Bukalenga bua Mvidi Mukulu udi mumupite.