Luke 7:25 - MUKANDA WA MYIDI MUKULU

²⁵ Nenku tshinuvua baye kumona ntshinyi? mMuntu muvuale bilenga anyi? Kadi badi bavuala bilamba bilenga, basanka ne bintu bia mushinga mukole, badi basomba mu nzubu minene ya bakalenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nuakuyila bua kutangila tshinyi? Bua kutangila muntu muluate bilulu binefuke, anyi? Bantu badi ne bilulu bilengele, badi mu buneme buabo, batu bikala mu nsubu ya banfumu.

Luke 7:25 Referans Kwoze

Matayi 6:29

Kadi ndi nnuambila ne: nansha Shelomu, uvua ne bubanji bua bungi, kavua ne bilamba bimpe bipite tshilongu nansha tshimue!

Matayi 3:4

Yowanane uvua uvuala bilamba bia miosa ya nyama wa kamelu, usuika mukaba wa tshiseba mu tshimonu. Uvua udia mpasu ne buitshi bua muitu.

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Estere 4:2

Yeye mumane kufika kumpala kua nzubu wa mukalenga, kuimanaye, bualu muntu muvuale bilamba bia madilu kawa mua kubuela mu nzubu wa mukalenga to.

Estere 1:11

Kubatumaye bua bamubikidile mukalenga mukaji Vasti, bua afike kudiye, muvuale tshifulu tshia bukalenga. Mukalenga Ahashaveroshe uvua musue kuleja baneme bende ne bantu bakuabu bavuaye mubikile buimpe buvua nabu mukalenga mukaji. Bualu uvua ne mpala muimpe.

2 Bakalenga 1:8

Kuandamunabu ne: — Uvua muvuale tshilamba tshia miosa ya nyama wa kamelu, musuike mukaba mu tshimonu! Mukalenga Akaziya kuela diyi ne: — Muntu awu mmuambi Eliya, muena Tishebe!

1 Bakalenga 10:5

bua biakudia bivuabu bateka ku mesa, bua balombodi ba bukalenga bua Shelomu, bavua basombe ku mesa balondangane bimpe, bua bilamba bivuabu bavuale kudi bena mudimu bavua babanya biakudia ne bia kunua. Mukalenga mukaji umona milambu ivua Shelomu ulambula mu nzubu wa Maweja-Nangila, kukemaye bikole bua bintu bionsu abi, kupangaye ne mua kuakula.

2 Samuele 19:35

Barzilayi kuandamuna ne: — Mukalenga, nkunshadile matuku bungi munyi bua meme kuikala ne muoyi? Matuku anyi mmashale makese matambe. Tshiena mua kuya nebe ku Yerushalayime.

Matayi 11:8

Nanku tshinuvua bakebe kumona ntshinyi? Muntu muvuale bilamba bimpe anyi? Kadi badi bavuala bilamba bimpe badi basomba mu nzubu ya bakalenga ba matunga.

Luke 7:24

Bantu bavua Yowanane mutume bumuka, Yezu kutuadija kulondela bantu malu a Yowanane, wamba ne: — Tshinuvua baye kumona mu tshipela ntshinyi? Nuvua baye kumona lushiba ludibu banyungisha kudi lupepele anyi? To!

Luke 7:26

Nenku tshinuvua baye kumona ntshinyi? mMuambi anyi? Eyowa, ndi nnuambila ne: mmupite kabidi ne muambi.

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.