Luke 5:24 - MUKANDA WA MYIDI MUKULU

²⁴ Kadi ndi musue numanye ne: Muana wa muntu udi ne bukole bua kujimija mibi pa buloba. Nanku kuambilaye muena tuneke ne: — Ndi nkutumina diyi ne: juka, ambula bulalu buebe, upingane kuebe!

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi bua nuenu mimanye ne, Muana wa muntu udi ne bukole, hatshidiye ha buloba, bua kujimisha mibi (yeye wakambila muena kaneke ne), Ndi nkuambila ne, Bika biebe, ambula bulalu buebe, ya ku nsubu kuebe.

Luke 5:24 Referans Kwoze

Didimanyisha 1:13

Munkatshi muabi muvua tshintu bu muntu, muvuale muntumpu mutue ne ku makasa, musuike mukaba wa mpawungi pa tshiadi.

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Bienzedi 14:10

Kumuambilaye ne diyi dikole ne: — Juka, imana mululame bimpe. Muntu kutupika, kuimana, kuenda bimpe.

Bienzedi 9:40

Petro kupatula bantu bonsu mu nzubu, kutua binu, utendelela Mvidi Mukulu. Pashishe kutangilaye tshitalu, wamba ne: — Tabita, biika! Tabita utabala, kumonaye Petro. Kujukaye pa bulalu, kusomba.

Bienzedi 9:34

Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.

Bienzedi 5:31

Mvidi Mukulu mmumuzanjike ku dia bukole diende; mmumuteke Mfumu ne Mupandishi, bua bena Izrayele badilengeje. Nanku Mvidi Mukulu neabajimijile mibi yabu.

Yowanane 17:2

Bualu uvua mumupeshe bumfumu pambidi pa bantu bonsu, bua apeshe bonsu baudi mumupe muoyi wa tshiendelele.

Yowanane 11:43

Yezu mumane kuamba nanku, kuelaye diyi dikole ne: — Lazare, patuka!

Yowanane 5:27

Udi mupeshe Muana mudimu wa kulumbuluisha bantu, bualu udi Muana wa muntu.

Yowanane 3:13

Muntu nansha umue kena muanji kubanda mu diulu, pa kumusha Muana wa muntu udi mufume mu diulu!

Luke 8:54

Kadi Yezu kumukuata ku tshianza, wela diyi dikole ne: — Nsongakaji, biika!

Luke 7:14

Ke Yezu kuya ku mushete wa tshitalu, kuulenga ne tshianza. Bavua bawambula, kuimanabu. Yezu kuambila mufue ne: — Nsongalume, ndi nkutumina diyi, biika!

Luke 5:13

Yezu kuolola tshianza, kumulenga, wamba ne: — Ndi musue, mubidi webe wakane! Diakamue nsudi kujika pambidi pa muntu awu.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Matayi 26:64

Ke Yezu kumuandamuna ne: — Muudi muambe amu mmomu. Kadi ndi nnujadikila ne: kutuadija ku mpindiewu nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi upueka mu mavuba a mu diulu.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Matayi 16:13

Yezu kuya mu buloba buvua pabuipi ne tshimenga tshia Kezareya wa Filipe. Kukonkaye balongi bende ne: — Bantu badi bamba ne: Muana wa muntu nnganyi?

Matayi 9:6

Kadi ndi musue bua numanye ne: Muana wa muntu udi ne bukole bua kujimija mibi pa buloba. Ke Yezu kuambila muena tuneke ne: — Juka, ambula bulalu buebe, pingana kuebe!

Danyele 7:13

“Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Luke 5:18

Bantu bakuabu kufika kudiye, bambule muena tuneke. Bavua bakeba pa kumubuejila mu nzubu, kumuteka kumpala kua Yezu.

Luke 5:23

Tshidi tshitekete ntshinyi? Nkuamba ne: “Mibi yebe mmimane kujimina,” anyi nkuamba ne: “Juka, enda?”