Luke 5:14 - MUKANDA WA MYIDI MUKULU

¹⁴ Ke Yezu kumukandika ne: — Kuena mua kuambila muntu bualu ebu to! Kadi uye kudi mutuangaji bua akukenkete. Pashishe ulambule mulambu wa kudikobolola uvua Moshe mufunde, bua bantu bonsu bajadike ne: ukadi mupande.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yesu wakamuambila bikole ne, Kuambidi muntu bualu ebu; uye biebe, udimueneshe kudi muakuidi wa Nzambi, udie biakamba Mose bu tshimanyishilu ku mesu kua bantu bualu bua kulengeshibua kuebe.

Luke 5:14 Referans Kwoze

Luke 17:14

Yezu ubamona, kubambilaye ne: — Nuye kudi batuangaji, banukenkete. Patshivuabu mu njila, disama diabu kujika.

Matayi 8:4

Pashishe Yezu kumuambila ne: — Teleja bimpe: kuambidi muntu bualu ebu to. Kadi uye kudileja kudi mutuangaji bua ajadike muukadi. Pashishe ulambule mulambu uvua Moshe muambe, bua bantu bonsu bajadike ne: disama diebe ndijike.

Marke 1:44

umuambila ne: — Teleja, kuambidi muntu bualu ebu to. Kadi uye kudileja kudi mutuangaji, akukenkete, pashishe ulambule mulambu udi Moshe mufunde bua kujadikila bantu bonsu ne: udi mupande.

Matayi 12:16

Kadi kubakandikaye bikole bua kabambidi muntu ne: Yezu udi nganyi.

Matayi 9:30

Mesu abu kutabala. Yezu kubakandika ne diyi dikole ne: — Telejayi bimpe: muntu kamanyi bualu ebu to.

Lewitiki 13:2

“Padi muntu ne tshiuja pambidi, nansha muaba muwule, nansha muikale ne dikeji ditoke, dimueneka bu disama dia nsudi, baye ne muntu awu kudi mutuangaji Arone, nansha kudi umue wa ku ndelanganyi yende.

Luke 9:5

Kadi muaba wabenga bantu kunuakidila, numuke mu musoku awu, nututule lupuishi lua ku makasa enu, bua lushale kubavuluija tshiyuabu benze.

Marke 6:11

Padi miaba mikuabu bantu babenga mua kunuakidila nansha kunuteleja, numuke muaba awu, nututule lupuishi lua mu makasa enu, bua lushale kubavuluija tshiyuabu benze.

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Lewitiki 13:49

padi makeji awu amueneka makunzubile, nansha a mayi a matamba, mutuangaji neakenkete butu abu.

Luke 5:13

Yezu kuolola tshianza, kumulenga, wamba ne: — Ndi musue, mubidi webe wakane! Diakamue nsudi kujika pambidi pa muntu awu.