Luke 4:4 - MUKANDA WA MYIDI MUKULU

⁴ Yezu kumuandamuna ne: — Mukanda wa Mvidi Mukulu udi wamba ne: “Muntu kena ne muoyi anu bua diampa nkayadi.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yesu wakamuandamuna ne, Bakafunda dî ne, Muntu kikadi biandi ne muoyo bualu bua bidia nkayabi.

Luke 4:4 Referans Kwoze

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

Matayi 4:4

Yezu kuandamuna ne: — Mukanda wa tshijila udi wamba ne: “Muntu kena ne muoyi anu bua mampa nkayawu, kadi nangananga bua diyi dionsu didi Mvidi Mukulu wamba.”

Efeze 6:17

Tshienu tshifulu tshinudi nuasa, ke dijadika dia ne: netupande. Muaku wa Mvidi Mukulu, ke muele wa mvita udi Mueyelu wa Tshijila unuteka mu bianza.

Matayi 6:31

Nanku kanuditatshishi, nuebejangana ne: “Netudie tshinyi? Netunue tshinyi? Netuvuale tshinyi?”

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Luke 4:10

Bualu mukanda wa Mvidi Mukulu udi wamba ne: “Mvidi Mukulu neatumine batumibue bende diyi bualu buebe, bua bakulame.”

Luke 4:8

Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Luke 22:35

Ke Yezu kukonka balongi bende ne: — Tshikondu tshimvua munutume kanuyi ne tshibuta tshia makuta, nansha tshia luendu, kanuyi ne bisabata, nuvua bakengele tshintu anyi? Balongi bende kumuandamuna ne: — Katutua bakengele kantu nansha kamue.

Yirmeya 49:11

“Panuafua, meme nendishe bana benu ba nshiya, nendame bakaji benu bakamba bimpe.”

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Luke 4:3

Ke diabolu kumuamba ne: — Ne udi Muana wa Mvidi Mukulu, utume diyi, dibue edi diandamuke diampa.