Luke 3:23 - MUKANDA WA MYIDI MUKULU

²³ Pakatuadija Yezu mudimu wende, ukavua ne bidimu bu makumi asatu. Bantu bavua bela meji ne: Yezu udi muana wa Yozefe. Yozefe uvua muana wa Eli.

Mukanda wa Nzambi Dihungila Dikulukulu ne Dihungila Dihia-dihia 2003

²³ Hakabanga Yesu mene kuyisha bantu, yeye wakadi bu bidimu makumi asatu, bantu bakadi belangana meshi ne, yeye udi muana wa Yosefe, muana wa Heli,

Luke 3:23 Referans Kwoze

Matayi 13:55

Yeye ewu ki mmuana wa muena mabaya anyi? Mamuende ki Mariya anyi? Yakobe, Yozefe, Simone ne Yuda ki mbana babu anyi?

Dibadika 4:3

Nufunde mena a bantu balume bonsu, badi ne bidimu bituadije ku makumi asatu too ne ku makumi atanu. Badi ne bua kuenza mudimu mu ntenta wa kusambakena.

Bienzedi 1:1

Teyofile musuibue, Mu mukanda wanyi wa kumpala, mvua mulonde malu onsu avua Yezu muenze, kabidi mulongeshe, biangatshile ku mbangilu,

Yowanane 6:42

Bavua bakonkangana ne: — Muntu ewu ki nYezu muana wa Yozefe anyi? Tudi bamanye tatuende ne mamuende. Kadi mudiye wamba mpindiewu ne: “Ndi mufume mu diulu mbishi?”

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Marke 6:3

Yeye ewu ki mmuntu udi utenga nzubu anyi? Kena muana wa Mariya anyi? Kena muanabu ne Yakobe anyi? Kena muanabu ne Yoze anyi? Kena muanabu ne Yuda ne Simone anyi? Bana babu ba bakaji kabena munkatshi muetu emu anyi? Ke tshiyuabu babengela kumuitabila.

Matayi 4:17

Biangatshile tshikondu atshi, Yezu kutuadija kulongesha bantu, wamba ne: — Kudimunayi mioyi yenu, bualu Bukalenga bua mu diulu bukadi pabuipi.

Matayi 1:16

Yakobe kulela Yozefe, bayende wa Mariya, mamuende wa Yezu, udibu binyika ne: Kristu.

Genese 41:46

Pa wabu bamufite kua mukalenga wa bena Ejipitu apu, Yozefe uvua ne bidimu makumi asatu. Ke Yozefe kulayangana ne mukalenga wa bena Ejipitu, kutuadija kuendakana, utangila midimu mu ditunga dijima dia Ejipitu.

Luke 3:31

Meleya, Menna, Matata, Natane, Davide,

Matayi 1:6

Ishayi kulela mukalenga Davide. Davide ne mukaji wa Uriya kulela Shelomu.

Matayi 1:1

Mena a bankambua ba Yezu Kristu, muana wa ku ndelanganyi ya Davide ne ya Abrahame, adi nunku:

2 Samuele 5:4

Tshikondu tshivua Davide mubuele mu bukalenga, uvua ne bidimu makumi asatu. Kushalaye mu bukalenga bidimu makumi anayi.

Luke 2:48

Baledi bende bamumona, kukemabu bikole. Mamuende kumukonka ne: — Muananyi, udi mutuenzele nenku bua tshinyi? Tatuebe ne meme tuvua batate bikole, tuenda tukukeba ne dipampakana.

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.