Luke 23:33 - MUKANDA WA MYIDI MUKULU

³³ Bafika pa muaba udibu binyika ne: “Kabalubalu,” kupopelabu Yezu pa mutshi mutshiamakane. Kuelabu kabidi bena tshibawu babidi abu ku mitshi mitshiamakane, umue ku dia balume dia Yezu, mukuabu ku diende dia bakaji.

Mukanda wa Nzambi Dihungila Dikulukulu ne Dihungila Dihia-dihia 2003

³³ Hakafikabo ku muaba udibo babikila ne, Kabalubalu ka Mutu, bakamukumina milonda mu bianza ne ku makasa ku mutshi mutshiamakane, bakenzela bantu babidi nunku kabidi, mukuabo ku tshianza tshia balume, mukuabo ku tshianza tshia bakashi.

Luke 23:33 Referans Kwoze

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

Yowanane 18:32

Ke muvua Yezu mukumbaje diyi divuaye muambe, divua dileja bantu mushindu uvuaye ne bua kufua.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Dielulula 21:23

tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Bienzedi 13:29

Bobu bamane kukumbaja bionsu bivua Mikanda ya tshijila midianjila kuamba bualu buende, kumutululabu ku mutshi mutshiamakane, kumuteka mu lukita.

Bienzedi 5:30

Mvidi Mukulu wa bankambua betu mmubishe Yezu, unuvua nuenu bashipeshe, bapopele pa mutshi mutshiamakane.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Yowanane 3:14

Bu umvua Moshe muele nyoka wa tshiamu tshikunze kulu kua mutshi mu tshipela, ke muelabu Muana wa muntu kulu,

Luke 24:7

Uvua munuambile ne: “Badi ne bua kufila Muana wa muntu kudi benji ba malu mabi, bua bamupopele ku mutshi mutshiamakane. Kadi neabiike ku lufu dituku disatu.”

Matayi 26:2

— Nudi bamanye ne: tshibilu tshia Dipita dia Maweja-Nangila netshikaleku, papita matuku abidi. Nebafile Muana wa muntu bua bamupopele pa mutshi mutshiamakane.

Matayi 20:19

Nebamufile mu bianza bia benyi. Bantu abu nebamuseke, nebamufute mikaba, nebamupopele pa mutshi mutshiamakane. Kadi papita matuku asatu, neabike ku lufu.

Misambu 22:16

Muminu mmungume, ludimi lulamate mu tshilakalaka. Wewe kunshiya mu lupuishi bu tshitalu!