Luke 22:70 - MUKANDA WA MYIDI MUKULU

⁷⁰ Ke bonsu kukonka Yezu ne: — Nanku wewe udi Muana wa Mvidi Mukulu anyi? Yezu kubandamuna ne: — Munudi bambe amu, mmomu.

Mukanda wa Nzambi Dihungila Dikulukulu ne Dihungila Dihia-dihia 2003

⁷⁰ Buonso buabo bakamukosa ne, Wewe udi Muana wa Nzambi, anyi? Yeye wakabakudimuna dî ne, Nudi nuamba mundi yeye.

Luke 22:70 Referans Kwoze

Luke 23:3

Ke Pilate kukonka Yezu ne: — Udi mukalenga wa bena Yuda anyi? Yezu kumuandamuna ne: — Muudi muambe mmomu.

Marke 15:2

Pilate kumukonka ne: — Udi mukalenga wa bena Yuda anyi? Yezu kumuandamuna ne: — Anu bu muudi wamba amu.

Matayi 27:11

Yezu kuimana kumpala kua mulombodi wa ditunga adi. Awu kumuebeja ne: — Udi mukalenga wa bena Yuda anyi? Yezu kuandamuna ne: — Anu muudi muambe amu.

Matayi 26:64

Ke Yezu kumuandamuna ne: — Muudi muambe amu mmomu. Kadi ndi nnujadikila ne: kutuadija ku mpindiewu nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi upueka mu mavuba a mu diulu.

Yowanane 19:7

Bena Yuda kumuandamuna ne: — Tudi ne mikenji, bilondeshile mikenji eyi, muntu ewu udi ne bua kufua. Bualu uvua muambe ne: ndi Muana wa Mvidi Mukulu.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 10:30

Tatu ne meme tudi tshintu tshimue.

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Luke 4:41

Mikishi mibi kabidi ivua ipatuka munda mua babeedi bavule, yela mbila ne: “Wewe udi Muana wa Mvidi Mukulu!” Kadi Yezu uvua uyikanyina, uyikandika bua kayakudi, bualu ivua mimanye ne: Yezu udi Kristu, Musungidi mutulaya.

Marke 14:62

Yezu kuandamuna ne: — Eyowa, mmeme. Kabidi nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi uluila mu mavuba a mu diulu.

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Matayi 27:43

Uvua mutekemene kudi Mvidi Mukulu. Nanku bu Mvidi Mukulu umunanga bushuwa, amusungidile mpindiewu! Bualu uvua ujadika ne: “Ndi Muana wa Mvidi Mukulu.”

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Matayi 26:25

Yudase uvua upangila Yezu, kumukonka pende ne: — Mfumu wanyi, uudi wamba mmeme anyi? Yezu kumuandamuna ne: — Muudi muambe amu mmomu.

Luke 22:71

Nanku kuambabu ne: — Katukebi kabidi bajadiki to! Bualu tudi badiumvuile miaku ya mukana muende!