Luke 22:22 - MUKANDA WA MYIDI MUKULU

²² Bushuwa, Muana wa muntu neafue, bu muvua Mvidi Mukulu muambe. Kadi muntu udi mumutungile tshitungu mmuena diakabi!

Mukanda wa Nzambi Dihungila Dikulukulu ne Dihungila Dihia-dihia 2003

²² Bulelela, Muana wa muntu udi uya bu muakasungulabo, kadi mulau neulue kudi wakumutungila tshitungu.

Luke 22:22 Referans Kwoze

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

1 Petro 1:11

Bavua bakeba kumanya mushindu ne diba bivua bionsu, bivua Mueyelu mubambile, mua kuenzeka. Bualu Mueyelu, uvua ukuata mudimu munda muabu, uvua mudianze kubamanyisha makenga a Kristu, ne lumu luvuaye ne bua kupeta pashishe.

Yowanane 17:12

Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Marke 14:21

Bulelela, Muana wa muntu neafue bilondeshile mudibu bafunde mu Mukanda wa tshijila bualu buende. Kadi muntu udi uyila Muana wa muntu tshitungu, mmuena dikasa dibi! Bivua kuikala bitambe buimpe bua kabaledi muntu awu to.

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Matayi 27:5

Yudase kuimansha nkanu ayi mu nzubu wa Mvidi Mukulu, kumukaye. Pashishe kuyaye kudiowa.

Luke 22:23

Ke balongi kukonkanganabu ne: munkatshi muetu emu, udi mua kuenza bualu abu nnganyi?

Bienzedi 10:42

Yezu kututumina diyi dia kulongesha bantu, kubajadikila ne: Mvidi Mukulu mmumuteke bua kulumbuluisha badi ne muoyi, ne bafue.

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!