Luke 22:19 - MUKANDA WA MYIDI MUKULU

¹⁹ Ke Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, wamba ne: — Etshi mmubidi wanyi, [undi mufile bualu buenu. Enzayi nenku bua kumvuluka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yeye wakamema mutanda wa bidia; hakasakidileye Nzambi, wakautshibula, wakaha bayidi bandi, wakamba ne, Eu udi mubidi wanyi udi unuhebua; enzai nunku bua kunvuluka.

Luke 22:19 Referans Kwoze

1 Korente 10:16

Vulukayi dikopu ditudi tuela nadi Mvidi Mukulu tuasakidila, tumutumbisha. Patudi tunuinamu, katuena tudisanga ne mashi a Kristu anyi? Vulukayi diampa ditudi tukosa, diabanyangana. Patudi tudidia, katuena tudisanga ne mubidi wa Kristu anyi?

Luke 22:20

Balongi bamane kudia, Yezu kubapesha kabidi dikopu, wamba ne: — Dikopu edi ntshiovu tshipiatshipia tshia Mvidi Mukulu, tshidibu bashindika ne mashi anyi, adibu bapumuna bualu buenu.]

1 Korente 10:4

Bavua banua bonsu biakunua bia momumue bidi kabiyi bimueneka. Bualu bayua banua mayi a ku lubuebue kaluyi lumueneka, luvua luenda nabu. Lubuebue alu ke Kristu.

Misambu 111:4

Ndi musue bua bantu bavuluke malu ende a kukema. Maweja-Nangila udi ne dinanga, udi ufuila bantu luse,

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Luke 24:30

Kusombaye nabu ku mesa, kuangata diampa, wela Mvidi Mukulu tuasakidila. Pashishe kudikosololaye, kubabanyinadi.

Matayi 14:19

Pashishe kutumaye diyi, bua bantu basombe panshi mu bisosa. Ke kuangataye mampa atanu, ne minyinyi ibidi ya mu mayi. Kutangilaye mulu, wela Mvidi Mukulu tuasakidila. Kukosaye mampa, kuapeshaye balongi, bua baabanyine bantu.

Yowanane 6:23

Kadi matu makuabu afumina ku tshimenga tshia Tiberiyade, avua mafike pepi ne muaba uvuabu badile mampa, pavua Mfumu mumane kuela Mvidi Mukulu tuasakidila.

Luke 22:17

Ke Yezu kuangata dikopu, kuela Mvidi Mukulu tuasakidila, wamba ne: — Angatayi dikopu edi dia nwinyo, nunue bonsu.

Musambu wa Solomo 1:4

Unkuate ku tshianza, tuye nebe lukasa. Mukalenga wanyi, umbueje mu tshibambalu tshiebe, tusanke bubidi buetu. Tusangale, bualu dinnanga diebe ndisheme dipite maluvu. Ke padi nsongakaji yonsu ikunanga.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

Danyele 2:38

Mmukuteke ku mutu kua bukua bantu, kua nyama ya mu mpata, ne kua nyunyi ya mulu. Udi mfumu wabi miaba yonsu idibi. Mukalenga, mutu wa tshiamu tshia mpawungi ke wewe!

Ngalate 4:25

Agare udi uleja mukuna wa Sinayi udi tshipeta tshia Arabiya, uleja kabidi lelu tshimenga tshia Yerushalayime, tshidi mu bupika pamue ne bonsu badi basombamu.

Yezekiyele 37:11

Maweja-Nangila kuamba kabidi ne: — Yezekiyele, mifuba eyi idi ituleja mudi bena Izrayele. Bena Izrayele badi bamba ne: “Tudi bu mifuba miume nyonyonyo. Tshitudi mua kutekemena kabidi ntshinyi? Tshitudi mua kuenza kabidi ntshinyi?”

Matayi 15:36

Pashishe kuangataye mampa muanda mutekete awu, kabidi ne tushipa. Kuelaye Mvidi Mukulu tuasakidila, kukosololaye mampa ne tushipa, kupesha balongi bende. Bobu kuabanyina bantu.

Yezekiyele 5:5

Meme Maweja-Nangila Mvidi Mukulu ndi ngamba ne: “Ke muenzelabu Yerushalayime, tshimenga tshindi muteke munkatshi mua bisamba, tshinyungulula kudi matunga a bantu benyi.