Luke 2:34 - MUKANDA WA MYIDI MUKULU

³⁴ Shimeyone kubela lupemba, kuambila Mariya, mamuende wa Yezu ne: — Mvidi Mukulu udi musungule muana ewu bua kushindisha ne kujula bantu ba bungi mu Izrayele. Yeye neatumanyishe mudi Mvidi Mukulu. Kadi bantu nebamujudile milandu.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Shimeona wakabasankisha, wakambila Malia mamu wandi ne, Muana eu udi mutekela bualu bua kuhona ne bua kubika kua bantu ba bungi mu Isalele, ne bualu bua tshimanyinu tshiahetulabo;

Luke 2:34 Referans Kwoze

1 Korente 1:23

Kadi tuetu tudi tukobola Kristu uvuabu bapopele pa mutshi mutshiamakane. Bena Yuda badi bakamba ne: nudi nusendeka Mvidi Mukulu. Badi kabayi bena Yuda badi bakamba ne: nudi nulongesha malu a bupale.

Matayi 21:44

Muntu wadishinda pa dibue edi, neatshibukilepu. Kadi pikala dibue diponena muntu, nedimuvingutule.]

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.

Ebrewu 7:7

Bushiwa, muntu udi wela lupemba mmupite udiye wela lupemba.

Rome 9:32

Bua tshinyi? Bualu kabavua bakeba kulengelela Mvidi Mukulu ku dimuitaba nansha. Bayua bela meji a kumulengelelaku midimu ivuabu benze. Nanku bavua batuute dikasa ku “dibue didi ditetula bantu,”

Bienzedi 6:7

Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Bienzedi 17:6

Bu muvuabu kabayi babasangane, kukuatabu Yazone ne bena ditaba bakuabu, kuyabu babapulumuna kumpala kua bamfumu ba tshimenga, bela mbila ne: — Bantu aba mbatombole bantu miaba yonsu. Mpindiewu bakadi muetu munu!

Bienzedi 13:45

Kadi bena Yuda bamona bungi bua bantu abu, kupetabu lubabu, babenga bivua Polu wamba, bamupenda kabidi.

Bienzedi 4:26

Bakalenga ba matunga mbele mualu wa mvita, bamfumu mbapunge diyi dimpe, bumvuangane bua kubenga Maweja-Nangila ne Musungula wende.

Yowanane 5:18

Biangatshile ku diba adi, bamfumu ba bena Yuda bavua bakeba bikole kumushipa, bualu uvua mushipe mukenji wa dituku dia Dikisha, kabidi uvua muambe ne: Mvidi Mukulu ke Tatuanyi menemene, uditeka nanku mulongu umue ne Mvidi Mukulu.

Yowanane 3:20

Muntu yonsu udi wenza bualu bubi, udi ubenga butoke. Kena ufika padi butoke, bualu udi utshina bua malu ende mabi kaamueneki patoke.

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Matayi 12:46

Yezu utshivua wakula ne bantu, ke mamuende ne bana babu ba balume kufika. Bavua bimanyine pambelu, balomba mua kuyukila nende.

Matayi 11:19

Kadi Muana wa muntu kufika, muikale udia, unua. Ke kumuambabu ne: “Ewu mmudiavi, munu wa maluvu, mulunda wa balambuishi ba bitadi, ne wa bena buenzayi!” Kadi midimu idi Mvidi Mukulu wenza, idi ileja meji mimpe adiye nawu.

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Ekesode 39:43

Moshe kubandila mudimu uvua bena Izrayele benza. Kumonaye ne bavua bawenze anu bu muvua Maweja-Nangila muambe. Nanku, kubelaye lupemba.

Genese 47:7

Yozefe kuya kuleja kabidi tatuende Yakobe kudi mukalenga wa bena Ejipitu. Yakobe kuela mukalenga wa bena Ejipitu muoyi ne kanemu.

Genese 14:19

Kumuelaye lupemba, wamba ne: — Mvidi Mukulu muena kulu, mufuki wa diulu ne buloba atumbe. Akuele wewe Abrame lupemba.

Ebrewu 7:1

Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

Bienzedi 28:22

Nanku tudi basue kudiumvuila meji audi wela. Bualu tudi bamanye ne: tshisumbu tshiudi mubuele atshi, miaba yonsu bantu badi batshibenga.

1 Samuele 2:20

Mutuangaji Eli mumane kuela Elkana ne mukajende Ane lupemba, kuambilaye Elkana ne: — Maweja-Nangila akuambuluishe, ulele bana bakuabu ne mukaji ewu, bua bapingane pa muaba wa muana udiye mulambule Maweja-Nangila. Ke Elkana ne mukajende, kupingana kuabu ku Rama.

Luke 2:35

Nenku neasokolole meji adi munda mua bantu ba bungi. Wewe kabidi, dikenga nedisompole muoyi webe bu muele.