Luke 18:1 - MUKANDA WA MYIDI MUKULU

¹ Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Yeye wakabelela lusumuinu bua kubamanyisha ne, Mbimpe bia nuenu kutendelela Nzambi matuku onso, kanuhangi;

Luke 18:1 Referans Kwoze

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

Rome 12:12

Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

1 Tesalonike 5:17

Nutendelele, kanuyi nupungila.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Yirmeya 29:12

Diba adi, nuenu bambikile, bantendelele, meme Maweja-Nangila nennuteleje.

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

Misambu 86:3

Maweja-Nangila, ndi nkubikila matuku anyi onsu, ungambuluishe.

Misambu 102:17

Padi Maweja-Nangila wibakulula Siyone, padiye umueneka mu butumbi buende,

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Yona 2:7

Mvua mudine mu mayi too ne kasuki, kufika ne ku tshitaku tshia mikuna. Bakavua banginjidila biibi bia nzubu wa lufu. Kadi anu wewe Maweja-Nangila Mvidi Mukulu wanyi, ke uvua mumpatule mu dijimba edi ne muoyi.

Misambu 65:2

Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Misambu 27:13

Meme tshiyi mujadike ne: Maweja-Nangila mmunange, mungasomba bimpe mu buloba ebu mbishi?

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 62:7

Kanumushidi mpunga, too ne pamanaye kuibakulula tshimenga, ne penzaye tshimenga etshi muaba udibu batumbisha mu matunga onsu.”

1 Samuele 1:12

Ane uvua utendelela musangu mule. Mutuangaji Eli uvua anu mumubambishe,

Luke 11:10

Bualu muntu yonsu udi ulomba tshintu, udi utshipeta. Udi ukeba, udi umona. Udi ukokola ku tshiibi, badi bamunzuluila.