Luke 17:25 - MUKANDA WA MYIDI MUKULU

²⁵ Kadi Muana wa muntu udi ne bua kudianza kukenga bikole. Bantu ba mu tshikondu etshi nebamubenge.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kadi diambedi budiye nʼabu mbua kukengeye makenga a bungi ne bua kumuhidiabo kudi bantu ba tshikondo etshi.

Luke 17:25 Referans Kwoze

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

Luke 9:22

Kubambilaye kabidi ne: — Muana wa muntu neakenge bikole. Bakulu, batuangaji banene, ne balongeshi ba mikenji, nebamubenge, bamushipe. Kadi dituku disatu neabike ku lufu.

Marke 8:31

Pashishe Yezu kubanga dilongesha balongi bende, wamba ne: — Muana wa muntu neakenge bikole. Bakulu, batuangaji banene ne balongeshi bamikenji, nebamubenge. Nebamushipe, kunyima kua matuku asatu neabiike ku lufu.

Yowanane 1:11

Muaku kufika mu ditunga diawu. Kadi bana bawu nanshabu kuwakidila.

Luke 18:33

Nebamutuute mikaba, nebamushipe. Kadi dituku disatu neabike ku lufu.

Marke 12:10

Kanuena banji kubala bulelela, mudi Mukanda wa tshijila, wamba ne: “Ke dibue divua bibaki bimanshe, dikadi dibue didi dishindika nzubu.

Matayi 21:42

Ke Yezu kubambila ne: — Kanuena banji kubala mukanda wa Mvidi Mukulu anyi? Mbafundemu ne: “Dibue divua bibaki bimansha, ndishale dibue didi dishindika nzubu. Ke mudi Maweja-Nangila muenze nanku. Bualu bua dikema butuvua bamone!

Yeshaya 53:3

Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Yowanane 12:38

Ke muvua miaku ya muambi Yeshaya ikumbana ne: “Maweja-Nangila, udi muitabe bituvua bambe nnganyi? Uvua Maweja-Nangila muleje bivuaye musue kuenza nnganyi.”

Luke 24:46

Kubambilaye ne: — Bavua bafunde ne: Kristu udi ne bua kufua, pashishe kubiika ku lufu dituku disatu.

Luke 18:31

Yezu kubikila balongi bende dikumi ne babidi, kubambila ne: — Telejayi. Tukadi tuya ku Yerushalayime. Muaba awu bionsu bivua bambi bafunde bua Muana wa muntu nebikumbane.

Marke 10:33

Uvua ubambila ne: — Telejayi, tukadi tuya ku Yerushalayime. Muaba awu, nebafile Muana wa muntu mu bianza bia batuangaji banene ne balongeshi ba mikenji. Nebamufundile tshibawu tshia lufu, nebamufile mu bianza bia benyi.

Marke 9:31

Bualu uvua ulongesha balongi bende. Uvua ubambila ne: — Nebafile Muana wa muntu mu bianza bia bantu, bobu nebamushipe. Kunyima kua matuku asatu, neabike ku lufu.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 8:7

Maweja-Nangila kumuandamuna ne: — Uteleje bena Izrayele, ubenzele bionsu bidibu balomba. Bualu udibu babenga ki ngwewe to, mmeme! Kabatshiena basue bua meme kuikala mukalenga wabu to.