Luke 17:2 - MUKANDA WA MYIDI MUKULU

² Muntu wa nanku mbimpe bamusuike dibue dinene dia kupela nadi mu nshingu, bamuele mu mayi manene, bua kafikishi nansha umue wa ku bakese aba ku dienza bibi.

Mukanda wa Nzambi Dihungila Dikulukulu ne Dihungila Dihia-dihia 2003

² Biakadi bimpe kumusuika dibue dia kuhela nʼadi mu nshingu, kumuela mu mai manene, diambedi kai muanze kulenduisha umue wabo wa mu bantu aba bahuekele.

Luke 17:2 Referans Kwoze

Marke 9:42

— Muntu udi ufikisha ku bubi umue wa ku bana bakese aba, badi bangitaba, mbipite buimpe bamusuike dibue dinene mu nshingu, bamuele mu mayi manene.

Matayi 18:14

Ke mudi Tatuenu wa mu diulu kayi musue ne: umue wa ku badi bu bana aba ajimine.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

1 Korente 9:22

Pandi ne bantu badi batekete mu ditaba, ndi nsomba amu mudibu basomba bobu, bua kubafikisha kudi Kristu. Ndi nditeka mulongu umue ne muntu yonsu, bua mmone mua kupandisha nansha bamue ba kudibu.

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.

1 Korente 9:15

Kadi meme tshivua mulombe bimvua mua kulomba nansha. Tshiena nnufundila nanku, bua mbipete mpindiewu. Ndi njinga kufua pa mutu pa kubilomba! Muntu nansha umue kena mua kunnyenga lumu luanyi pa bualu ebu to!

Yowanane 21:15

Bobu bamane kudia, Yezu kukonka Simone Petro ne: — Simone, muana wa Yowanane, udi munnange mupite mudi bakuabu aba bannange anyi? Petro kuandamuna ne: — Eyowa, Mfumu, udi mumanye mundi mukunange. Yezu kumuambila ne: — Ukube bana banyi ba mikoku.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Matayi 17:27

Kadi bua katubafikishi munda, uye mu dijiba, ela ndobu. Mushipa uwadianza kukuata, uubulula mukana. Neusanganemu makuta. Uangate, uye kuteta tshitadi tshiebe, ne tshianyi.