Luke 17:14 - MUKANDA WA MYIDI MUKULU

¹⁴ Yezu ubamona, kubambilaye ne: — Nuye kudi batuangaji, banukenkete. Patshivuabu mu njila, disama diabu kujika.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakabamoneye, wakabambila ne, Yai, nudimueneshe kudi bakuidi ba Nzambi, Hakadibo baya, bakalengeshibua.

Luke 17:14 Referans Kwoze

Luke 5:14

Ke Yezu kumukandika ne: — Kuena mua kuambila muntu bualu ebu to! Kadi uye kudi mutuangaji bua akukenkete. Pashishe ulambule mulambu wa kudikobolola uvua Moshe mufunde, bua bantu bonsu bajadike ne: ukadi mupande.

2 Bakalenga 5:14

Namane kuya ku Yardene, kudiina mu mayi misangu muanda mutekete, bu muvua muambi Elisha mumuambile. Nanku disama diende kujikadi. Dikoba diende kushala bu dia muana mutekete.

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Yowanane 11:10

Kadi padi muntu wenda butuku, udi utetuka, bualu butoke kabuena munda muende to.

Yowanane 9:7

Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.

Yowanane 2:5

Mamuende wa Yezu kuambila bena mudimu ne: — Nuenze muonsu muanuambilaye.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.