Luke 13:11 - MUKANDA WA MYIDI MUKULU

¹¹ Mu nzubu amu muvua mukaji usama. Mukishi mubi uvua mumukuate bidimu dikumi ne muanda mukulu. Mamu awu mua wenda mukobama, kayi mua kuololoka nansha kakese.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukashi wakadiku, wakadi ne nyuma wa butekete bidimu dikumi ne muanda mukulu, mubidi wandi wakadi mukonyame, kakadi ne bukole bua kudiolola.

Luke 13:11 Referans Kwoze

Luke 8:2

Muvua kabidi bakaji bakuabu bavuaye mumushe mikishi mibi, mujikije masama. Ke Mariya (udibu binyika ne: ngwa mu Magdala), uvuaye mumushe mikishi muanda mutekete,

Luke 13:16

Kadi mukaji ewu mmuntu wa ku ndelanganyi ya Abrahame, mua diabolu mukuate bidimu dikumi ne muanda mukulu. Nanku kabavua mua kumusulula mionji eyi dituku dia Dikisha anyi?

Luke 8:27

Yezu utuluka anu mu buatu, kusambakenaye ne muntu ufumina mu tshimenga. Ke muntu uvuabu bakengesha kudi mikishi mibi kuonsu eku. Kavua uvuala kabidi bilamba, kavua usomba mu nzubu. Uvua amu muaba uvua nkita.

Misambu 6:2

Maweja-Nangila, udi mumfikile munda, kadi kunnyoki. Udi muntekele tshiji, kadi lekela kunkengesha.

Bienzedi 4:22

Muntu mene uvuabu bajikije disama ku tshishima awu, ukavua ne bidimu bipite pa makumi anayi!

Luke 8:43

Muaba awu muvua mukaji uvua ne disama dia mashi a muyeya kukadi bidimi dikumi ne bibidi. Uvua mufute baminganga bionsu bi-vuaye nabi. Kadi muntu nansha umue kavua mujikije disama diende.

Marke 9:21

Yezu kukonka tatuende wa muana ne: — Mbimutuadije diba kaayi? Tatu kuandamuna ne: — Mbituadijile ku buana buende.

Misambu 146:8

Maweja-Nangila udi utabaja mpofu, ubandulula badi biname, munange badi bamulamata.

Bienzedi 3:2

Ku tshiibi tshia nzubu tshivuabu binyika ne: “Tshilengele,” kuvua muntu mulela tshibombu. Dituku dionsu bavua baya kumuteka muaba awu, bua amone mua kulomba tshia pa luse kudi bantu bavua babuela mu nzubu.

Misambu 42:5

Ndi mvuluka malu a kale, muoyi wanyi ungitshikila munda. Tuvua tuenda bantu tshisumbu, tuya mu nzubu wa Mvidi Mukulu bua tshibilu, tutumbisha Mvidi Mukulu, tumuela tunkunduluila.

Misambu 38:6

Mputa yanyi idi mibole, inunka bibi, bualu mvua muenze malu a butatakane.

Yobe 2:7

Nanku mufundianganyi kumuka muaba uvua Mvidi Mukulu. Kutuaye Yobe disama dibi dia pa dikoba, mubidi wende mujima kunyanguka biangatshile ku dikasa too ne ku mutu.

Misambu 145:14

Udi wimanyika bantu bonsu badi badishinda, ukankamika bonsu badi batekete.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Luke 13:12

Yezu umona mukaji awu, kumubikilaye, umuamba ne: — Mukaji, bulema buebe buakujika!

Luke 21:28

Pikala malu onsu aa atuadija kuenzeka, nubanduluke, nukoleshe muoyi, bualu bakadi pa kunupikula.