Luke 12:45 - MUKANDA WA MYIDI MUKULU

⁴⁵ Kadi pikala muena mudimu awu wamba mundamunda muende ne: “Mfumuanyi kakupingana lukasa to,” utuadija kutuuta bena mudimu nende balume ne bakaji, udia, unua ukuatshika,

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ Kadi biamba muhika au munda munda ne, Nfumu wanyi kena ulua katataka, biabangeye kukuma bahika bakuabo, balume ne bakashi, biadieye, bianueye, biabangeye kukuatshika maiuvu,

Luke 12:45 Referans Kwoze

Didimanyisha 18:24

Bavua banyoka Babilone, bualu badi basangane mu tshimenga etshi mashi a bambi, ne a bantu bakuabu ba Mvidi Mukulu. Eyowa, mashi a bonsu bavuabu bashipe pa buloba adi pambidi pende.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.

2 Petro 2:13

Nebabakengeshe, muvuabu bakengeshe bakuabu. Badi badisankisha, benza malu mabi munda munya. Panudi nabu ku mesa badi banufuisha bundu, banubueja mu mbipishilu, basanka bua kunudinga.

1 Tesalonike 5:7

Bualu bantu badi balala tulu butuku, bakuatshika maluvu butuku.

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

Matayi 22:6

Bakuabu kukuata bena mudimu, kubakengesha, kubashipa mene.

Yezekiyele 34:8

meme Maweja-Nangila udi ne muoyi ndi nnuambila ne: bidi bintonda pandi mmona mikoku yanyi mu bianza bia bivi. Bu mudiyi kayiyi ne bayilami, ikadi tshiakudia tshia nyama ya ditu. Bualu balami kabena baditatshisha bua mikoku yanyi to. Pa mutu pa kuyikeba bimpe, badi badivuluka amu bobu nkayabu.

Yezekiyele 12:22

— Yezekiyele, mmunyi mudi bantu ba mu ditunga dia bena Izrayele bamba bambulula kasumuinu ka ne: “Matuku adi enda apita. Bidi Mvidi Mukulu mutulaye kabiena bienzeka!”

Yirmeya 20:2

Kufutaye Yirmeya mapi, kumuelaye ku tshikunyi tshivua ku tshiibi tshia kulu tshia bena Binyamine, tshivua mu nzubu wa Mvidi Mukulu.

Yeshaya 65:6

Kadi, ndi mumanye bionsu bivuabu benza. Tshiakupuwa kabidi to. Tshiakuikisha, amu meme mumane kubanyoka.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Luke 12:44

Ndi nnujadikila bulelela ne: mfumu neamupeshe bulami bua bintu biende bionsu.

Luke 12:46

mfumuende neafike dituku didi muena mudimu awu kayi muelaku meji, ne diba didiye kayi mumanye. Nanku mfumuende neamunyoke bikole, neamuteke muaba wa baluishi ba Mvidi Mukulu.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Yowanane 2:10

Kumuambilaye ne: — Bantu bonsu badi banji kufila nwinyo muimpe kumpala. Padi bantu badibu babikila bamane kunua bikole, ke kushishabu kubapesha nwinyo wa nanku nanku. Kadi wewe kulama nwinyo muimpe too ne mpindiewu!

Bienzedi 2:18

Eyowa, matuku awu nentumine bonsu badi bangenzela mudimu, balume ne bakaji, Mueyelu wanyi. Nanku nebambe malu anyi.

Yobe 24:23

Mvidi Mukulu udi muanyishe bua bende badiunwue, basombe talalaa. Kadi udi umona bionsu bidibu benza.