Luke 12:19 - MUKANDA WA MYIDI MUKULU

¹⁹ Nengambe ne: Disanka kaayi! Ndi ne bintu bivule bidi mua kungambuluisha bidimu ne bidimu. Mpindiewu ndi mua kuikisha, kudia, kunua, kuondoloka.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nengambile mutshima wanyi ne, Mutshima, wewe udi ne bintu bia bungi bibuta bia bidimu bingi; wikishe, udie, unue, usanke biebe.

Luke 12:19 Referans Kwoze

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

1 Korente 15:32

Bu meme muluangane ne “Nyama wa lonji” munu mu Efeze amu bua kupeta bia panu, bimvua mupete mbinganyi? Nanku padi bafhe kabayi babika ku lufu, ndondayi kasumuinu ka ne: “Tudiayi, tunuayi, bualu maloba tudi tufue.”

Yeshaya 5:11

Bantu bonsu badi bafuilakana maluvu makole dindadinda, banua too ne mudi butuku buila, bakuatshika, mbena diakabi.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Yakobe 5:5

Nuvua basombe pa buloba mu biuma ne masanka. Nudi nudia nuondoloka. Kadi dituku dia kunushipa dikadi pabuipi.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Nsumuinu 18:11

Kadi muena biuma udi utangila biuma biende bu tshimenga tshikolesha ne bimana, wela meji ne: ke bidi bindama.

Misambu 62:10

Bantu badi bu lupepele, bantu tshiabu ndishima. Bobu babande pa tshipimu bonsu pamue, kabena ne bujitu.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’

1 Petro 4:3

Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.

2 Timote 3:4

Nebelangane bifufu bibi. Nebikale bantu ba tshiiji, bena lutambishi luvule. Nebanange milowu, pa mutu pa kunanga Mvidi Mukulu.

Osheya 12:8

Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.

Yobe 14:1

Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Timote 5:6

Kadi mukaji mukamba utshidi ne milowu, nansha yeye ne muoyi, mmufue.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Abakuke 1:16

Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.

Misambu 49:18

Pafuaye, kena uya ne tshintu. Bubanji buende kabuena bumulonda mu lukita.

1 Samuele 30:16

Nsongalume wa bena Ejipitu kufikisha Davide muaba uvua bena Amaleke. Kusanganabu bena Amaleke batangalakangana mu buloba bujima, badia, banua, benza tshibilu ne bintu bipite bungi, bivuabu bapawule mu ditunga dia bena Peleshete, ne mu ditunga dia bena Yuda.

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Amosa 6:13

Nudi nusanka bua tshimenga tshia tshianana, Lodabare, tshinuvua bakuate. Nudi nuditemba ne: “Ku makanda etu nkayetu ke kutudi bakuatshile Karnayime, tshimenga tshikole tshipite.”

Luke 12:18

Kuambaye ne: “Ndi musue kuenza nenku: nengupule mayeba anyi a kale. Nengase makuabu mapite bunene. Nentekelemu ntete yanyi yonsu ya kuenza bukula, kabidi ne bintu bianyi bikuabu bionsu.

Nsumuinu 14:24

Biuma ke nsala wa kalumbandi wa bena meji. Kadi batatakane diabu difutu mbutatakane buabu.