Luke 12:17 - MUKANDA WA MYIDI MUKULU

¹⁷ Uvua udiebeja mundamunda ne: “Nengenze tshinyi? Bualu tshiena ne mayeba a kulamina bia mu madimi bianyi bionsu to.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ wakelangana meshi munda ne, Ngenze tshinyi? Tshiena ne ha kusangishila bintu bianyi.

Luke 12:17 Referans Kwoze

Matayi 5:42

Padi muntu ukulomba tshintu, umupeshe. Padi muntu musue kukusomba tshintu, umusombeshe.

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

1 Yone 3:16

Mutudi bamanye tshidi dinanga mmunyi? Bualu Yezu Kristu wakafua muoyi wende bualu buetu. Nanku tuetu kabidi tudi ne bua kufila muoyi wetu bua bana hetu.

Rome 12:13

Ambuluishayi bana benu ne bidibu bakengela. Akidilayi bimpe badi bafika ku nzubu yenu.

Bienzedi 16:30

Pashishe kubapatulaye mu kazubu aku, ubakonka ne: — Bakalenga, bua meme kupanda, ngenze tshinyi?

Luke 19:17

Mukalenga kumuamba ne: “Uvua muenze bimpe. Udi muena mudimu wa nsongu. Bu muuvua mukumbaje mudimu bimpe ne bintu bikese bindi mukushile, nenkuteke mulombodi wa bimenga dikumi.”

Luke 18:22

Nanku Yezu kumuambila ne: — Bualu bumue butshidi bukushale: pana bionsu biudi nabi, wabanyine bapele makuta. Nanku newikale ne bubanji mu diulu. Pashishe Ulue, undonde meme.

Luke 16:9

Yezu kuamba kabidi ne: — Meme ndi nnuambila ne: kebayi munudi mua kupeta balunda ne biuma bibi bia panu. Nanku panujika bia panu, balunda aba nebanuakidile mu nzubu ya kashidi.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?

Luke 16:3

Ke mulami wa bintu kudikonka nkayende ne: “Mfumuanyi wa mudimu udi unnyenga bintu bimvua mumulamine. Mpindiewu nengenze tshinyi? Tshiena ne bukole bua kudiina. Bundu budi bungenza bua kushala muena lulombu.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Luke 12:29

Kanupampakanyi. Kanutatshi amu bua biakudia, nansha bua biakunua.

Luke 12:22

Pashishe Yezu kuambila balongi bende ne: — Ke pandi nnuambila ne: kanutatshi bua biakudia binudi nabi dijinga, nansha bua bivualu bidi mubidi wenu ukengela.

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

Luke 10:25

Ke mulongeshi wa mikenji kufika kudi Yezu, kumuela lukonku bua kumuteya, wamba ne: — Mulongeshi, bua kupeta muoyi wa kashidi, ngenze tshinyi?

Luke 3:11

Yowanane kubandamuna ne: — Muntu udi ne bilamba bibidi bia pambidi, afile tshimue kudi udi kayi natshi. Udi ne biakudia, apeshe badi kabayi nabi.

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

Matayi 16:7

Balongi bumvua nanku, kuambilanganabu ne: — Udi wamba nanku, bualu katuena bangate mampa.

Luke 12:16

Nanku Yezu kubelela lusumuinu elu ne: — Kuvua mubanji uvua munowe bintu bia bungi pa madimi ende.

Luke 12:18

Kuambaye ne: “Ndi musue kuenza nenku: nengupule mayeba anyi a kale. Nengase makuabu mapite bunene. Nentekelemu ntete yanyi yonsu ya kuenza bukula, kabidi ne bintu bianyi bikuabu bionsu.