Luke 11:41 - MUKANDA WA MYIDI MUKULU

⁴¹ Peshayi bapele bidi mu makopu ne mu malongu enu. Nanku malu enu onsu neakane!

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Nuhe bantu bintu bia luse binudi nʼabi munda; nunku bintu bionso nebitoke ku mesu kuenu.

Luke 11:41 Referans Kwoze

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Tite 1:15

Bionsu bidi biakane, bua bantu badi ne muoyi muakane. Kadi bua badi banyanguke, kabayi ne ditaba, kakuena tshintu tshimpe nansha tshimue. Bualu meji abu ne muoyi wabu mbinyanguke.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

Bienzedi 10:15

Kumvuaye tshiakabidi diyi, dimuandamuna ne: — Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!

Luke 16:9

Yezu kuamba kabidi ne: — Meme ndi nnuambila ne: kebayi munudi mua kupeta balunda ne biuma bibi bia panu. Nanku panujika bia panu, balunda aba nebanuakidile mu nzubu ya kashidi.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Luke 19:8

Kadi Zakayi kujuka, kuambila Mfumu ne: — Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.

Luke 18:22

Nanku Yezu kumuambila ne: — Bualu bumue butshidi bukushale: pana bionsu biudi nabi, wabanyine bapele makuta. Nanku newikale ne bubanji mu diulu. Pashishe Ulue, undonde meme.

Matayi 5:42

Padi muntu ukulomba tshintu, umupeshe. Padi muntu musue kukusomba tshintu, umusombeshe.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Misambu 41:1

Musambu wa mu mukanda wa mulombodi wabena misambu. Wamu mukanda wa misambu ya Davide.

Efeze 4:28

Nanku, muntu uvua wiba, alekele kuiba, akuate mudimu muimpe, bua kudidisha, ne bua amone mua kuambuluisha kabidi udi mu dikenga.

Bienzedi 11:29

Bena ditaba kumvuangana bua muntu yonsu afile tshiende tshidiye natshi, bua kuambuluisha bena ditaba ba mu Yudeya.

Matayi 26:11

Bualu nenuikale ne bapele matuku onsu. Kadi meme kanuakushala nanyi kashidi to.

Bienzedi 24:17

Ndi mumbuke mu Yerushalayime bidimu bivule. Ndi mupinganemu amu mpindiewu, bua kupesha bena tshisamba tshietu makuta a diambuluisha, kabidi bua meme kulambula Mvidi Mukulu milambu.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Marke 7:19

Bualu tshintu etshi katshiena tshibuela mu muoyi wende. Kadi tshidi tshibuela mu difu diende, pashishe tshipatuka. (Pavuaye wakula nanku, uvua ubambila ne: biakudia bionsu, bantu badi mua kubidia.)