Luke 10:27 - MUKANDA WA MYIDI MUKULU

²⁷ Muntu awu kumuandamuna ne: — “Nanga Maweja-Nangila Mvidi Mukulu webe muebe muonsu, ne muoyi webe mujima, ne bukole buebe buonsu, kabidi ne lungenyi luebe luonsu. Nanga kabidi mukuebe muudi mudinange wewe mene.”

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakakudimuna dî ne, Sua Mukelenge Nzambi webe ne mutshima webe wonso ne muoyo webe wonso ne bukole buebe buonso ne lungenyi luebe luonso; ne sua mukuenu bu mûdi mudisue.

Luke 10:27 Referans Kwoze

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Rome 13:9

Bualu mikenji ya ne: “Kuendi buendenda, kushipi muntu, kuibi, kualakanyi tshintu tshia mukuenu,” ne mikuabu yonsu idi nudisange mu mukenji umuepele udi wamba ne: “Nanga mukuenu, muudi udinanga.”

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

Yakobe 2:8

Bushuwa, nudi nuenza bimpe, panudi nutumikila mikenji ya Bukalenga, mudi Mukanda wa tshijila uyilongesha ne: “Unange muntu nebe, bu muudi mudinange.”

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

1 Yone 3:18

Bana banyi, katuena mua kunangangana amu ne mayuki ne miaku bia patupu. Kadi tudi ne bua kuleja dinanga dietu patoke ku bitudi tuenza.

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Matayi 19:19

Nemeka tatuebe ne mamuebe. Nanga mukuebe muudi mudinange wewe mene.

Dielulula 6:4

“Nuenu bena Izrayele, telejayi: Maweja-Nangila, Maweja-Nangila nkayende, ke Mvidi Mukulu wetu. Kakuena mukuabu to.

Luke 10:26

Yezu kumuela kabidi lukonku ne: — Mu mikenji yetu mbafunde tshinyi? Tshiudi ubalamu ntshinyi?