Luke 10:21 - MUKANDA WA MYIDI MUKULU

²¹ Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Ha diba adi mene yeye wakasanka mu Nyuma Muimpe, wakamba ne, Tatu wanyi, Mukelenge wa diulu ne wa buloba, ndi nkusakidila bua wewe wakusokoka bena meshi ne bena budimu malu â, wakuasokolola kudi bana bakese; bulelela, Tatu, bua bualu ebu buakadi buimpe ku mesu kuebe.

Luke 10:21 Referans Kwoze

2 Korente 4:3

Bantu badi kabayi mua kumvua bimpe Lumu lua Disanka lutudi mmanyisha, ke amu bantu badi bajimina.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Efeze 1:5

uvua mudianze kujadika nkayende bua kutuenza bana bende mu Yezu Kristu. Ke tshivuaye musue, kabidi ke bivua bimulengelela.

Marke 10:15

Ndi nnujadikila ne: udi kayi wanyisha Bukalenga bua Mvidi Mukulu bu mudi muana, kena mua kubuelamu nansha.

Matayi 21:16

Kukonkabu Yezu ne: — Udi mumvue mudibu bamba anyi? Yezu kubandamuna ne: — Eyowa. Kadi kanuena babale Mukanda wa tshijila anyi? Badi bafundamu ne: “Uvua muenze bua bana batekete mene, nansha batshidi bamua mabele, bakutumbishe.”

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Misambu 8:2

Eyi Mfumuetu, Maweja-Nangila, butumbi buebe mbunene pa buloba bujima! Bunene buebe mbupite bua diulu.

Luke 15:9

Yeye mumane kuluangula, udi ubikila bantu bakaji balunda bende ne bena mutumba nende, ubambila ne: “Tusankayi, bualu ndi muangule lukanu luanyi lumvua mujimije.”

Luke 15:5

Yeye mumane kuwangula, udi usanka bikole, uwambula pa makaya ende.

Sefanya 3:17

Maweja-Nangila Mvidi Mukulu webe udi nebe, udi tshilobu, mukuluidi wa mvita. Udi usanka bualu buebe. Udi ukunanga; nanku neakuenze muntu mupiamupia. Udi uja maja bu dituku dia tshibilu, wimba misambu ne disanka bualu buebe.”

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yeshaya 29:14

Kadi nengenze kabidi malu adi atshikemesha. Meji a bena meji batshi, neashikile. Lungenyi lua bena lungenyi batshi, nelujimine.”

Yowanane 11:41

Bantu kumusha dibue. Yezu utangila mulu, kuamba ne: — Tatu, ndi nkuela tuasakidila, bualu uvua munteleje.

Yeshaya 62:5

Eyowa bu mudi nsongalume usela muana wa bakaji, ke mudi Ewu udi ukuibakulula ushala bayebe. Bu mudi mubangila usankisha mumubangidi, wewe kabidi neusankishe Mvidi Mukulu webe.

Yeshaya 35:8

Koku aku, nekuikale njila. Nebamuinyike ne: “Njila wa tshijila”. Muntu mupie mikiya kakupitshilaku to. Mutendeledi wa mvidie kakuendakanamu to. Njila awu neikale mutekela bantu ba Maweja-Nangila, patuadijabu luendu luabu.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Misambu 24:1

Musambu wa mu mukanda wa misambu ya Davide. Bantu ne bintu bionsu mbia Maweja-Nangila, buloba ne bidipu bionsu mbiende yeye.

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?