Luke 1:49 - MUKANDA WA MYIDI MUKULU

⁴⁹ Bualu Mvidi Mukulu wa bukole buonsu mmungenzele malu a dikema. Dina diende ndia tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁹ Bualu bua udi ne bukole wakungenzela malu manene; Dina diandi ndia tshijila.

Luke 1:49 Referans Kwoze

Misambu 111:9

Uvua mutumine bantu bende lupandu, uvua mumanyishe ndondu wende bua ashale kashidi. Dina diende dia tshijila, didi dikuatshisha bantu bowa.

Misambu 99:3

Bakutumbishe wewe Mvidi Mukulu munene, udi ukuatshisha bantu bonsu bowa! — Eyowa, udi wa tshijila!

Yirmeya 10:6

Maweja-Nangila, kakuena mukuabu bu wewe, wewe udi munene. Bantu badi bamanye bunene ne bukole buebe.

Efeze 3:20

Mvidi Mukulu udi ne bukole bua kuenza bipite ne bitudi tulomba, nansha ne bitudi tuelela meji. Bualu, bukole budiye ukuata nabu mudimu munda muetu mbupite.

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Misambu 99:9

Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.

1 Samuele 2:2

Anu Maweja-Nangila ke udi wa tshijila, kakuena Mvidi Mukulu mukuabu, amu Yeye. Mvidi Mukulu wetu nkayende udi lubuebue.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Yeshaya 6:3

Batata belangana mbila ne: “Wa tshijila, wa tshijila, wa tshijila, Maweja-Nangila muena bukole buonsu udi wa tshijila! Butumbi buende budi pa buloba buonsu.”

Yirmeya 20:11

Kadi Maweja-Nangila wewe udi ne bukole! Wewe udi unduila meme mvita. Badi bankengesha, badishinde. Nebapange tshia kuenza. Bu mudibu kabayi bapeta tshintu, nebafue bundu. Kakuena muntu wapua bualu ebu muoyi.

Didimanyisha 4:8

Tshia muoyi tshionsu tshivua ne mapuapua asambombu, kabidi ne mesu nseke yonsu, munda ne panyima. Bionsu binayi bidi amu bimba munya ne butuku, biamba ne: “Maweja-Nangila, Mvidi Mukulu wa bukole buonsu, udi wa tshijila, wa tshijila, wa tshijila. Uvuaku, udiku, kabidi udi ufika.”

Marke 5:13

Yezu kuanyisha. Mikishi mibi kupatuka munda mua muntu, kubuela munda mua ngulube. Tshisumbu tshijima tshia ngulube bu binunu bibidi kupulumuka pa tshibungubungu, kudiela mu dijiba, kufuilamu.

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Misambu 24:8

— Mukalenga munene ewu nnganyi? — Ke Maweja-Nangila, tshilobu tshia makanda; Maweja-Nangila, tshilobu, kanyemi baluishi!

Yeshaya 63:1

Nganyi ewu udi ufuma ku Edome, mu tshimenga tshikulu tshia Bosra, ne bilamba bikunze kunzuu? Udi muvuale tshinkutu tshiende. Udi wenda mpala muele mulu, mudiumvue mudiye ne makanda! Maweja-Nangila udi wandamuna ne: — Ke meme! Ndi mufike bua kukosa nsambu, ndi mufike bua kunyoka bukua matunga, bua nsungidile bantu banyi.

Luke 1:48

Bualu mmuntabele meme muntu wende, muntu wa patupu. Eyowa, biangatshile mpindiewu, bantu ba mu bikondu bionsu nebangambe ne: mmuena diakalenga.

Luke 1:50

Ku ndelanganyi ne ndelanganyi muoyi wende mulenga udi kudi bonsu badi bamunemeka.