Luke 1:25 - MUKANDA WA MYIDI MUKULU

²⁵ “Maweja-Nangila mmungambuluishe; mmunjikije mpindiewu bundu buvua bungenza ku mesu a bantu.”

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Mukelenge wakungenzela bimpe nunku, mu matuku akadiye untangila, bualu bua kumusha bundu buanyi munkatshi mua bantu.

Luke 1:25 Referans Kwoze

Yeshaya 4:1

Dituku adi, bakaji muanda mutekete nebafuilakane mulume umue, bamba ne: “Kuditatshishi bua kutudisha, nansha bua kutuvuadika. Tudi tulomba amu, bua tuikale bakaji bebe, katushadi bakaji bakamba katuyi ne bana!”

Ebrewu 11:11

Amu bua ditaba, Abrahame kupeta bukole bua kulela, nansha mukavuaye mukulakaje. Sara kabidi kavua mua kulela to. Abrahame uvua mushindike ne: Mvidi Mukulu neakumbaje bivuaye mulaye.

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

1 Samuele 1:6

Bu muvua Ane kayi mulele muana, Penina mukaji muibidi wa Elkana, uvua wenza muende muonsu bua kukengesha mukenende, umufuisha bundu.

Genese 25:21

Kadi bu muvua Rebeka muikale nkumba, Izake kutendelela Maweja-Nangila bua mukajende awu alele muana. Maweja-Nangila kuitaba dilomba adi. Rebeka kuimita difu dia bana ba mapasa.

Balombodi 11:37

Kadi undekele ngondu ibidi. Nenye ku mikuna ne bansongakaji nanyi, bua meme kudidilaku bua pandi mfua, tshiyi muanji kuya ku dibaka.

Yeshaya 25:8

Maweja-Nangila neajimije lufu kashidi. Maweja-Nangila, Mvidi Mukulu abakupule binsonji bionsu ku mesu abu. Mu ditunga dijima, neumushe kapeja kavuabu bapepeja naku bantu bende. Ke mudi Maweja-Nangila mulaye nanku. Bena Mowabe badi mu dikenga

Luke 1:24

Matuku makese apita, ke mukajende Elisabete kuimita difu. Kushalaye kuende ngondu itanu, kayi wendakana. Uvua wamba ne:

2 Samuele 6:23

Mikale, muana wa Shawule, kavua mulele muana too ne ku lufu luende!