Luke 1:17 - MUKANDA WA MYIDI MUKULU

¹⁷ Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye neaye ku mpala kuandi ne nyuma ne bukole bia Eliya, bualu bua kuhingisha mitshima ya batatu kudi bana, ne bua kualukisha bena buhidia ku meshi a badi bakane; ne bua kulongoluela Mukelenge bantu badi ne mitshima yabo mimana kulongolola.

Luke 1:17 Referans Kwoze

Matayi 11:14

Nuenu basue kuitaba tshindi ngamba, numanye ne: Yowanane ke Eliya uvuabu batumanyishe ne: neafike!

Luke 1:76

Kadi wewe, muananyi, nebakuinyike ne: mmuambi wa Mvidi Mukulu Muena kulu. Bualu neudianjile kumpala kua Mfumu, bua kumulongoluela njila,

Yowanane 3:28

Nudi mua kujadika mumvua munuambile ne: “Tshiena Meshiya, kadi bavua badianjila kuntuma kumpala kuende.”

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

1 Kulondolola 29:18

Maweja-Nangila, Mvidi Mukulu wa bankambua betu, Abrahame, Izake ne Yakobe, anyisha bua bantu bebe balame muoyi wa mushindu ewu munda muabu matuku onsu, batume meji abu kuudi kashidi.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

2 Timote 2:21

Padi muntu udilengeja ku malu mabi onsu andi ntela, nebamuangate bua midimu misunguluke. Bualu udi witaba Mfumu ne muoyi mujima, umulengelela. Ke mudiye mua kumuambuluisha ku midimu mimpe yonsu.

Yeshaya 29:24

Bantu bavua bapange lungenyi, nebatuadije kungumvua. Bavua bela amu mpata, nebanyishe bua babalongeshe.”

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

Bienzedi 10:33

Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Yowanane 1:13

Kabena babalele ku bukole bua mashi, mudi tatu wa pa buloba ulela muana. Kadi Mvidi Mukulu nkayende ke udi mubapeshe muoyi mupiamupia.

Luke 1:16

Neapingaje bena Izrayele bavule kudi Maweja-Nangila Mvidi Mukulu wabu.

Matayi 14:4

Bualu Yowanane uvua mubele Erode ne: — Kuena mua kuangata Erodiyade bu mukajebe nansha!

Amosa 4:12

Kadi mpindiewu nemfike menemene! Bena Izrayele, nenumone mundi nnunyoka. Nudilongolole bua kupetangana nanyi, bua kudileja kumpala kuanyi meme, Mvidi Mukulu wenu.

Misambu 10:17

Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

2 Kulondolola 29:36

Izkiya ne bantu bavuaye nabu kusanka bua pavua Maweja-Nangila mubambuluishe, bua kujikija bionsu abi lukasa.

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Yone 2:28

Eyowa, bana banyi, nushale mu bobumue ne Kristu. Nanku katuakupampakana dituku diamuenekaye. Katuakufua bundu kumpala kuende dituku diafikaye.

Matayi 3:4

Yowanane uvua uvuala bilamba bia miosa ya nyama wa kamelu, usuika mukaba wa tshiseba mu tshimonu. Uvua udia mpasu ne buitshi bua muitu.

2 Bakalenga 1:16

Eliya kuambila mukalenga Akaziya ne: — Maweja-Nangila udi wamba ne: “Bu muudi mutume bantu kudi mvidie Baale Zebube, udi mu tshimenga tshia Ekrone bua kumukonka malu, mmumue ne: ku mesu ebe, mu ditunga dia bena Izrayele kamuena Mvidi Mukulu udibu mua kukonka malu. Nanku, kuena ujuka mu bulalu muudi mulale emu to, neufue!”

1 Bakalenga 18:18

Muambi Eliya kuandamuna ne: — Meme tshiena nkengesha bena Izrayele to, kadi anu wewe ne bena diku diebe. Bualu nudi babenga kutumikila mikenji ya Maweja-Nangila. Nudi nutendelela mvidie Baale.

1 Samuele 7:5

Ke Samuwele kubela diyi, ubambila ne: — Bantu bonsu badisangishe ku Mispa. Muaba awu, nendombe kudi Maweja-Nangila bualu buenu.

Matayi 3:3

Yowanane ke muntu uvuabu batele kudi muambi Yeshaya ne: “Ndi ngumvua diyi dia muntu, wela lubila mu tshipela ne: Longoluelayi Maweja-Nangila njila, numuenzele njila milulame!