Luke 1:15 - MUKANDA WA MYIDI MUKULU

¹⁵ Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Luke 1:15 Referans Kwoze

Yirmeya 1:5

— Nkavua mukumanye, tshiyi muanji kukufumba munda mua mamuebe. Nkavua mukusungule, kabayi banji kukulela. Nkavua mukufundile mudimu wa kuya kuambila bisamba bionsu miaku yanyi.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Bienzedi 2:4

Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Luke 7:33

Bualu Yowanane-Batiste uvua mufike, kayi udia mampa, kayi unua nwinyo. Nuenu kumuamba ne: “Udi ne mukishi mubi munda!”

Yoshua 4:14

Dituku adi, Maweja-Nangila kujadika bumfumu bua Yoshuwa ku mesu kua bena Izrayele bonsu. Matuku onsu avua Yoshuwa mulale panu, bena Izrayele bavua bamunemeka bu muvuabu banemeka Moshe.

Luke 7:28

Ndi nnujadikila kabidi ne: kakuenamuntu nansha umue, udi bamamu balele, mupite Yowanane. Kadi udi mushadile ku bonsu mu Bukalenga bua Mvidi Mukulu udi mumupite.

1 Kulondolola 17:8

Meme kukuambuluisha mu midimu yebe yonsu. Meme kubutula bena lukuna bebe bavua bakuluisha. Nenkupeteshe lumu lunene. Newikale mumanyike bu mudi bakalenga banene bonsu badi bamanyike bikole pa buloba.

Yoshua 3:7

Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Misambu 22:9

“Tekemena Maweja-Nangila, neakuambuluishe! Neakupikule, bualu udi wende wa pa muoyi!”

1 Kulondolola 29:12

Bubanji ne butumbi bidi bifuma kuudi. Wewe ke udi ne bumfumu buabi bionsu. Udi ne bukole ne bumfumu, udi ne bumfumu bua kujuula ne kukolesha muntu yonsu uudi musue.

Genese 48:19

Tatuende kubenga, wamba ne: — Muananyi, ndi mumanye tshindi ngenza. Ndelanganyi ya Menashe neyikale tshisamba tshinene. Kadi ndelanganyi ya muakunyende Efrayime neyipite bungi, yenza bisamba bivule.

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Yowanane 5:35

Yowanane uvua bu muendu mutemesha ukenka. Nuenu kuanyisha bua kusanka tshitupa tshipi ku bukenke buawu.

Lewitiki 10:9

— Wewe ne bana bebe, kanuena mua kunua maluvu a mvinyo, nansha a kapia, panudi nubuela mu ntenta wa kusambakena, bualu nudi mua kufua. Mukenji ewu ushale kashidi kunudi ne kudi ndelanganyi yenu.

Yirmeya 35:6

Kadi bobu kuandamuna ne: — Katuena tunua maluvu a mvinyo to, bualu nkambua wetu Yonadabe, muana wa Rekabe, uvua mutuelele mukenji ne: Kanuena mua kunua maluvu a mvinyo, nansha nuenu, nansha bana benu.

Luke 1:14

Neusanke bikole bualu buende. Bantu ba bungi kabidi nebikale ne musangelu bua diledibua dia muana ewu.