Lewitiki 8:12 - MUKANDA WA MYIDI MUKULU

¹² Kuelaye Arone mafuta a tshijila mu mutu bua kumujidila.

Mukanda wa Nzambi Dihungila Dikulukulu ne Dihungila Dihia-dihia 2003

¹² Wakela Alona manyi ha mutu handi, wakamujidila.

Lewitiki 8:12 Referans Kwoze

Ekesode 30:30

Ulabe Arone ne bana bende ba balume mafuta aa, bua kubajidila, bua bangenzele mudimu wa butuangaji.

Misambu 133:2

Bidi bu manyi a mushinga mukole, mela mu mutu mua muntu mubikila ku didia, apueka ne ku muedi wende. Bidi bu muedi wa mutuangaji munene, upueka ne nshingu wa tshilamba tshiende.

Ekesode 29:7

Umuele mafuta a tshijila pa mutu bua kumujidila.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Ekesode 28:41

“Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Lewitiki 7:36

Nanku Maweja-Nangila udi unutumina diyi nuenu bena Izrayele, bua nupeshe Arone ne bana bende bintu ebi dituku didibu babajidila. Nulame mukenji ewu kashidi.

Lewitiki 8:30

Moshe kusambakaja mafuta a tshijila mu mashi avua ku tshilambuilu. Kuamiaminaye Arone, ne ku bilamba biende. Pashishe kuamiaminaye kabidi bana bende ba balume, ne ku bilamba biabu. Ke Arone ne bana bende ba balume ne bilamba biabu kushala bia tshijila.

Lewitiki 10:7

Nanku nuenu kanumuku mu mushiku wa ntenta wa kusambakena bua kanufu, bualu Maweja-Nangila mmunulabe mafuta a tshijila. Ke Arone ne bana bende kuitaba bionsu bivua Moshe ubambila.