Lewitiki 7:6 - MUKANDA WA MYIDI MUKULU

⁶ Nanku anu bantu balume ba mu meku a batuangaji ke badi mua kudia munyinyi wa mulambu awu. Kadi baudile muaba wa tshijila, bualu udi wa tshijila menemene.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bana balume bonso ba bakuidi nebaudie mu muaba wa tshijila, etshi ntshintu tshitambe tshijila.

Lewitiki 7:6 Referans Kwoze

Lewitiki 2:3

Bukula bua mulambu budi bushale babuangate anu kudi Arone ne bana bende ba balume, bualu ntshitupa tshia tshijila menemene, tshia ku mulambu uvuabu balambula Maweja-Nangila.

1 Korente 9:13

Nudi bamanye bimpe ne: badi benza mudimu mu nzubu wa Mvidi Mukulu, badi bapeta biakudia biabu ku bidi bantu bela mu nzubu amu. Badi balambula milambu pa tshilambuilu, badi bapeta tshiabu tshitupa tshia milambu eyi.

1 Korente 10:18

Tangilayi bena Izrayele: badi badia bidi bantu balambula, badi badisanga ne Mvidi Mukulu udibu balambula bintu abi.

Lewitiki 7:5

Mutuangaji oshe bionsu ebi pa tshilambuilu. Bualu bidi mulambu wa dinua tshibalu, udibu boshila Maweja-Nangila, ushile.

Yezekiyele 42:13

Muntu kungambila ne: — Bibambalu bia luseke lua ku mutu kua nzubu ne bia luseke lua kuinshi kua nzubu, bidi bia tshijila. Batuangaji badi mua kubuela muaba wa tshijila wa Maweja-Nangila, badi badila milambu ya tshijila anu mu bibambalu ebi. Nanku bibambalu ebi bidi bijidila. Badi batekamu milambu ya tshijila menemene: ya biakudia, ne ya nyama ya milambu ya mishindu yonsu idibu bashipa, bua kudikobolola.

Agayi 2:12

Tuteke tshilejilu: muntu muambuile munyinyi wa ku mulambu mu tshilamba tshiende, tshilamba atshi kulenga ku diampa, ku biseki, ku maluvu, ku mafuta, nansha ku tshiakudia tshikuabu, biakudia bionsu abi bidi bienza bia tshijila anyi? Batuangaji kuandamuna Agayi ne: — Nansha kakese.

Lewitiki 6:11

Nanku anu bantu balume ba ku ndelanganyi ya Arone, ke badi mua kudia bukula bua mulambu abu. Bualu mbukula bua mulambu wa Maweja-Nangila budiye mupeshe ndelanganyi ya Arone kashidi. Kadi muntu yonsu mukuabu walenga tshitupa tshia mulambu ewu, nebamunyoke.”

Lewitiki 21:22

Kadi muntu awu, udi mua kudia biakudia bidibu bandambula, nansha biobi bia tshijila menemene, nansha bia tshijila.