Lewitiki 7:12 - MUKANDA WA MYIDI MUKULU

¹² “Padi muntu ulambula Maweja-Nangila nyama wa mulambu, wimba ne musangu bua kumutumbisha, asakidile kabidi milambu eyi: mulambu wa mikata mikanga kayiyi miela buanga bua mampa, wa tuampa tukese tulaba mafuta, katuyi tuela buanga bua mampa, ne wa mikata mienza ne bukula busambakaja ne mafuta.

Mukanda wa Nzambi Dihungila Dikulukulu ne Dihungila Dihia-dihia 2003

¹² Biafila muntu mulambu eu bua kubakidila Nzambi, yeye nealue kabidi ne mikata ya bukula budi kabuyi ne luevene busangisha ne manyi, ne mikata ya bukula budi kabuyi ne luevene miela manyi ha mutu, ne mikata ya bukula bubotesha budi busangisha ne manyi.

Lewitiki 7:12 Referans Kwoze

Dibadika 6:15

Afile kabidi mikata, kayiyi miela buanga bua mampa, kadi milamba mu mafuta, tshisaka tente. Ikale kabidi ne tuampa tukese katuyi tuela buanga, tulaba mafuta, kabidi ne bukula ne mvinyo, bia kulambula musangu umue ne milanbu mikuabu.

Lewitiki 2:4

“Padi muena Izrayele ulambula Maweja-Nangila mulambu wa bintu biosha muiku, wikale amu wa mikata misopakaja ne mafuta, nansha wa tuampa tukese tulaba mafuta, kabiyi biela buanga bua mampa to.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Luke 17:18

Bobu ki mbapingane bua kutumbisha Mvidi Mukulu bua tshinyi? Amu muenyi ewu!

Luke 17:16

Kudielaye mpala panshi ku makasa a Yezu, umuela tuasakidila. Muntu awu uvua muena Samariya.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Misambu 116:17

Nenkulambule mulambu bua kukuela tuasakidila, kabidi nentumbishe dina diebe.

Misambu 107:8

Basakidile Maweja-Nangila bua malu ende mimpe, bua malu ende a kukema adiye muenzele bantu.

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Nehemya 12:43

Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

2 Kulondolola 33:16

Uvua mulongolole tshilambuilu tshia Maweja-Nangila, mulambule milambu ya bobumue ne ya ditumbisha Maweja-Nangila. Uvua mutumine bena Yuda diyi bua batendelele Maweja-Nangila Mvidi Mukulu wa bena Izrayele.

2 Kulondolola 29:31

Mukalenga Izkiya kuambila kabidi bantu ne: — Mpindiewu, nuenu badi ne milambu ya kulambula Maweja-Nangila, nuye nayi mu nzubu wa Mvidi Mukulu bua kumulambula milambu ya bobumue, ne ya kuela Mvidi Mukulu tuasakidila! Bantu kuya ne nyama ya milambu ayi. Bantu ba kalolu kusakidila kabidi milambu mikuabu ya kuosha.

Lewitiki 22:29

“Panudi nundambula milambu, nuenda nuimba misambu, nuntumbisha, nuenze bionsu bilondeshile mikenji yanyi, bua nuenu kupeta diakalenga.

Lewitiki 7:15

Kadi bua munyinyi wa nyama wa mulambu wa bobumue, baudie ujika onsu anu dituku dimue, kauladi to.

Lewitiki 6:16

Ku mulambu onsu wa bia mu madimi udi mutuangaji ulambula Maweja-Nangila, kena mua kudia kantu nansha kamue to.”

Lewitiki 2:5

“Kadi padiye ulambula mulambu wa diampa dikanga pa dilata, diampa adi dikale dienza ne bukula busopakaja ne mafuta, kabuyi buela buanga bua mampa to.

Amosa 4:5

Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.