Lewitiki 5:4 - MUKANDA WA MYIDI MUKULU

⁴ “Bidi momumue padi muntu kayi muele meji bimpe, uditshipa bua kujadika bualu, nansha bua kuambuluisha muntu kampande, nansha bua kumukengesha, muntu udi uditshipa awu, padiye umanya bubi buende, udi muena tshibawu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Anyi biaditshiha muntu lubilu ne mishiku yandi bua kuenza bualu bubi anyi bualu buimpe, biaditshiha muntu lubilu nunku ne bikala bualu ebu busokoka ku mesu kuandi, hamanyeye bualu, yeye neahile.

Lewitiki 5:4 Referans Kwoze

Bienzedi 23:12

Butshia dinda, bamue bena Yuda kuya kuela tshitungu, baditshipa, bamba ne: “Katuena tudia, katuena tunua, amu tuetu bashipe Polu!”

Marke 6:23

Kuditshipaye ne: — Tshionsu tshiwikala mundombe, nenkupetshi, nansha tshia bibidi tshimue tshia bukalenga buanyi!

Balombodi 11:31

meme muye kutshimuna bena Amone, mupingane amu bimpe, muntu wadianjila kupatuka mu nzubu muanyi bua kungakidila, nenkupe muntu awu. Nenkulambuleye bu mulambu wa kuosha.

1 Samuele 25:22

Nanku, patuamba kufika malaba dinda, Mvidi Mukulu annyoke ne dinyoka dikole, pangikala tshiyi mubutule bena diku dia Nabale bonsu.”

Dibadika 30:8

bayende mupuwe diba didibu bamumanyisha bualu ebu, nsongakaji udi ne bua kukumbaja bionsu bivuaye mulaye abi.

Matayi 14:9

Mukalenga Erode kubungama bikole. Kadi bumuvuaye muditshipe, bantu bavuaye mubikile bumvue, kutumaye diyi, bua bapeshe nsongakaji mutu wa Yowanane.

Matayi 14:7

Ke Erode kuditshipa bua kupesha nsongakaji awu tshionsu tshialombaye.

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

2 Samuele 21:7

Mukalenga Davide kufuila Mefibaale, muana wa Yonatane, muikulu wa Shawule luse, bualu uvua mumane kutua ndondu wa bulunda ne Yonatane mu dina dia Maweja-Nangila.

1 Samuele 1:11

Kumpu muoyi, umfuile luse! Umpesheku muana wa balume. Ndi nditshipa bua kumufila ku mudimu webe kashidi. Kabena mua kumubeya too ne kashidi.”

Balombodi 21:18

Kadi katuena mua kuitaba bua bena Binyamine basele bana betu ba bakaji to. Bualu tuvua bamane kuditshipa ne: muena Izrayele yonsu udi uselesha muanende wa bakaji kudi muena Binyamine, neikale ne diakabi.

Balombodi 21:7

Kadi bua bena Binyamine, badi bashale ne muoyi aba, kupeta bakaji, netuenze tshinyi? Bualu tuvua bamane kuditshipa kumpala kua Maweja-Nangila bua katuseleshi bana betu ba bakaji kudi bena Binyamine to.

Balombodi 9:19

Lelu panuikala benzele Yerubaale ne bena nzubu wende bualu ebu ne muoyi muimpe, Abimeleke anusankishe, nuenu kabidi numusankishe.

Yoshua 9:15

Yoshuwa kutua nabu ndondu mu ditalala, ubajadikila ne: katuena tunushipa to. Ke balombodi ba bena Izrayele kuditshipa, bajadike ndondu awu.

Yoshua 2:14

Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Dibadika 30:6

Kadi pikala tatuende mubenge bualu ebu dituku didibu bamumanyishabu, nsongakaji kena ne bua kukumbaja bivuaye muambe. Maweja-Nangila neafuile nsongakaji awu luse, bualu tatuende kavua musue bua abikumbaje to.

Lewitiki 5:3

“Mufuanyikije kabidi: padi muntu ulengangana ne mukuabu kayi mumanye, ne udi mulengangane nende ewu udi ne mikiya idi yambulukilangana, udi mulengangane awu, padiye umanya bubi buende, diakamue udi muena tshibawu.

Lewitiki 5:13

Mutuangaji akobolole muena tshibawu awu anu mushindu ewu, bua Mvidi Mukulu amufuile luse. “Mutuangaji enze bionsu ebi anu muvuaye wenza bua mulambu wa bintu bia mu madimi.”

Misambu 106:33

bu muvuabu bamufikisha munda, kuakulaye kayi muele meji.